కొంపల్లిని నెంబర్ వన్‌గా మారుస్తా : ఎమ్మెల్యే వివేకానంద

దిశ, కుత్బుల్లాపూర్: కొంపల్లి మున్సిపాలిటీని అభివృద్ధిలో రాష్ట్రంలో నెంబర్ వన్‌గా తీర్చిదిద్దుతామని కుత్బుల్లాపూర్ ఎమ్మెల్యే కేపీ వివేకానంద అన్నారు. కొంపల్లి మున్సిపల్ పరిధిలో జరిగిన పనులతో పాటు చేబట్టబోయే పనులపై ఆయన మంగళవారం ప్రజాప్రతినిధులు, అధికారులతో సమీక్షా సమావేశం నిర్వహించారు. అనంతరం ఈ సందర్భంగా మాట్లాడుతూ.. కొంపల్లి వాసులు చాలా రోజులుగా డ్రైనేజీ సమస్యతో ఇబ్బందులు పడుతున్నారని మంత్రి కేటీఆర్ దృష్టికి తీసుకెళ్లడంతో నిధులు మంజూరు చేయించారన్నారు. ఆ నిధులతోనే పనులు చేపట్టామన్నారు. మౌళిక వసతులు ప్రధాన్యతనిస్తూ ముందుకెళ్తున్నట్లు వెల్లడించారు. రాబోయే రోజుల్లోనూ అధిక నిధులు కేటాయించి అభివృద్ధి చేస్తామన్నారు. ఈ కార్యక్రమంలో చైర్మన్ సన్న శ్రీశైలం యాదవ్, కమిషనర్ రఘు, కౌన్సిలర్లు, అధికారులు, తదితరులు పాల్గొన్నారు.