‘హీరో’ను లాంచ్ చేసిన సూపర్ స్టార్ మహేశ్

దిశ, సినిమా : సూపర్‌స్టార్‌ కృష్ణ మనవడు, గుంటూరు ఎంపీ జయదేవ్‌ గల్లా తనయుడు అశోక్‌ గల్లా హీరోగా పరిచయమవుతున్న విషయం తెలిసిందే. అమరరాజ మీడియా అండ్‌ ఎంటర్‌టైన్‌మెంట్‌ పతాకంపై పద్మావతి గల్లా నిర్మిస్తున్న చిత్రాన్ని శ్రీరామ్‌ ఆదిత్య డైరెక్ట్ చేస్తుండగా.. ‘హీరో’ టైటిల్‌ ఖరారు చేశారు. తాజాగా మూవీ ఫస్ట్ లుక్ పోస్టర్‌, టైటిల్ టీజర్‌ను రిలీజ్ చేసిన మహేశ్ బాబు.. హీరోగా పరిచయమవుతున్న తన మేనల్లుడు అశోక్‌కు, మూవీ టీమ్‌కు ఆల్ ది బెస్ట్ చెప్పాడు. ఇక ఫస్ట్ లుక్ పోస్టర్స్‌లో అశోక్ ఫిట్‌ అండ్ హ్యాండ్సమ్‌ లుక్స్‌‌తో పాటు స్టార్ సింబల్, గన్, బుల్లెట్ సినిమాపై మరింత ఆసక్తిని క్రియేట్ చేసేలా ఉన్నాయి.

ఇక టీజర్ విషయానికొస్తే.. అశోక్ కౌబాయ్‌గా ఎంట్రీ ఇస్తున్న విజువల్స్‌‌తో ఆసక్తికరంగా ప్రారంభమైంది. అలాగే సినిమాలోని ట్రైన్ ఎపిసోడ్ మేజర్ హైలైట్‌గా నిలవనుంద‌ని తెలుస్తోంది. వీటితో పాటు హీరోయిన్ నిధి అగర్వాల్‌తో లవ్ సీన్లను అట్రాక్టివ్‌గా డిజైన్ చేశాడు దర్శకుడు. కాగా జోక‌ర్‌ లుక్‌లో అశోక్ గ‌ల్లా క‌న్నింగ్ స్మైల్ టీజ‌ర్‌కే హైలెట్ అని చెప్పొచ్చు. నిర్మాణ విలువలతో పాటు కెమెరామెన్ రిచర్డ్‌ ప్రసాద్‌ పనితనం, జిబ్రాన్ స్టైల్ ఆఫ్ మ్యూజిక్ ఈ సినిమాను మరో లెవెల్‌కు తీసుకెళ్లాయనడంలో సందేహం లేదు. కాగా జగపతిబాబు ప్రధాన పాత్రలో నటించిన చిత్రంలో నరేష్, సత్య, అర్చన సౌందర్య కీలక పాత్రలు పోషించారు.