చందమామ వచ్చా జాబిల్లి వచ్చా
కలల మెట్లన్నెక్కీ ఎంచక్కగొచ్చా ॥
ఒళ్ళంత మైమరచి ఏమిటా చూపూ
మీద నిలుచున్నానూ కళ్ళెత్తి చూడూ ॥
నినుచూచి నీతోనె ఆడేందుకొచ్చా
మామయ్య నీతోడె ఉండేందుకొచ్చా ॥
గోరుముద్దలు పెడ్తూ అమ్మ చూపే నిన్ను
అసలేంటో నిజమేంటో చూసేందుకొచ్చా ॥
తాకేసి చుట్టేసీ పాడేందుకొచ్చా
చప్పట్లు చరిచేస్తూ గెంతేందుకొచ్చా ॥
అమ్మతో నీ కబురు చెప్పేందుకొచ్చా
చల్లనీ నీ మనసూ తెలిపేందుకొచ్చా
తెల్లనీ గుండెల్లో వెతికేందుకొచ్చా
దారి తెలిసిందోచ్ ఇంక నే వస్తుంటా ॥
- ఏటుకూరి ప్రసాద్
04027638247