తొలి క్షణమే సాక్షి సంతకంగా....

రోడ్లు నిద్ర లేవక ముందు

నడక మేల్కొని

ఒళ్ళు విరచుకున్న నీ జ్ఞాపకాలు

చురుకుగా నాపై చేతులేసి

రోజులో తొలి క్షణాలను

ప్రేమగా నిమురుతుంటే

వడి వడి అడుగుల సవ్వడితో

వాడి వాడిగా పలుకులు

వేకువ ఒడిలో పడి మొలిచి

మసక వేళలో ఇష్టం ముసుగు తీసుకుని

ముసురుపట్టిన ఆలోచన మగత తొలిగి

చల్లని గాలి కెరటాల మధ్య

నుదుటపై జారిన చెమట చుక్కల చిందు

నాలుకపై జారిన వెచ్చని కవిత బొట్ల విందు

నీ పేర అనుభవ ఆస్తులుగా

రోజులో తొలి క్షణమే సాక్షి సంతకంగా

తొలి ఊహకు ఊపిరిదే..

శ్రీ సాహితి

97044 37247