నువ్ చిందించిన నెత్తురు
వృధా కాలేదు రామకృష్ణా !
అది....మాలాంటి ఎందరినో
నడిపించే ఇంధనమయ్యింది !!
మా నెత్తురు వేగం తగ్గినప్పుడల్లా
నీ త్యాగాన్ని గుర్తు చేసుకుంటున్నాం
మా మెదళ్ళు మొద్దుబారినప్పుడల్లా
నీ అమరత్వాన్ని స్మరించుకుంటున్నాం !!
మళ్ళీ......మళ్ళీ
నీ త్యాగం సాక్షిగా ప్రమాణం చేస్తున్నాం !
ఎత్తు పల్లాలు వచ్చినా
ఆటుపోట్లు ఎదురైనా
చంటి బిడ్డనెత్తుకున్నట్టు
ఎర్రజెండాను ఎత్తుకుంటూనే ఉంటాం !!
జోహార్ విద్యుత్ పోరాట అమరవీరులారా !!
(దాచుకున్న జ్ఞాపకం - బషీర్ బాగ్ ఘటన జరిగిన సందర్భంగా.... )
- బషీర్, కార్యకర్త