రాజీపడే నిరాశజీవులే
అడుగడుగునా కనిపిస్తుంటే,
అహంకారం, స్వార్థం జాతి
మనుగడనే మంటగలుపుతుంటే...
ఏమైపోతుంది స్వాతంత్ర్యం..!
ఎటువైపు వెళుతుంది
మన భారతదేశం..!
మోడువారిన హృదయాలు
అతి భయంకర పాషాణుల మధ్య
అపహాస్యం పాలవుతుంటే...
ఏమైపోతుంది స్వాతంత్ర్యం..!
ఎటువైపు వెళుతుంది
మన భారతదేశం..!
మదమెక్కిన అంబోతులు
రాక్షసత్వంతో రంకెలువేసి
వికృత చేష్టలు చేస్తుంటే...
ఏమైపోతుంది స్వాతంత్ర్యం..!
ఎటువైపు వెళుతుంది
మన భారతదేశం..!
ఎడారి ఆకలి మంటలు
డొక్కలొ వేగంగా పాకుతుంటే
బడికి వెళ్లే వయసులో
తట్ట పార నెత్తిన పెట్టుకొని
బతుకు వెళ్లదీస్తుంటే...
ఏమైపోతుంది స్వాతంత్ర్యం..!
ఎటువైపు వెళుతుంది
మన భారతదేశం..!
మంజుల పత్తిపాటి
93470 42218