నా కల

దేశమంతా జలకళలు నిండాలి

రైతు ముఖాన జీవకళ పండాలి

హద్దుల్లో సైనికుల కవాతులు

అవ్వాలి శాంతి కరచాలనాలు!

కార్మికులు ఉత్పత్తి కారకులు

యజమానులు నిర్వాహకులు

రాజకీయాలంటే ఏలన కాదని

ప్రజల క్షేమపాలన అవ్వాలని!

కూలీ అంటే కాదు పనికి వచ్చినవాడు

మనకు పనికొచ్చినవాడని

ఈ కలిలో తీరని ఆకలి ఉండకూడదని

తరాల అంతరాలు మాయమవ్వాలని!

మనుషులంతా సమతా మూర్తులవ్వాలి

ప్రతి మనసున మమతలు విస్తరిల్లాలి

విద్వేషాలు లేని దేశాలు కావాలి అన్నీ

ఏ దేశం కాదు పరదేశం, మిత్రదేశాలే అన్నీ!

విశ్వమంతా దృశ్య మాలిక అవ్వాలి!

నా కల నెరవేరి నిజమవ్వాలి!!

జగ్గయ్య.జి

డల్లాస్

98495 25802