కుట్ర

అసమానత్వమే

ఆదర్శమని భావించే వారికి

ఎలా రుచిస్తుంది సోషలిస్ట్ పదం

మత రాజ్యం

కోసమే పాటుపడేవారికి

వెగటు అనిపించదా సెక్యులర్ పదం

మను ధర్మాన్నే

ఉపాసించే పరాన్న జీవులకు

మింగుడు పడుతుందా రాజ్యాంగం

ముందు పదాలనూ

అటు తరువాత ఆ ఆదర్శాలనూ

బొందబెట్టడమేగా అసలైన లక్ష్యం

ఊ ..

ఇప్పుడిక

కొట్టండి చప్పట్లు

వెలిగించండి దీపాలు

పనిలో పనిగా

సిద్ధం చేసుకోండి

పాడెనీ సమాధినీ

- రత్నాజయ్