ఆ ప్లేస్‌లో ముక్కు పుడక పెడితే.. పీరియడ్స్ సమస్యలకు చెక్ !

దిశ, వెబ్‌డెస్క్ : ముక్కు పుడక కేవలం అతివల అందాన్ని పెంచడానికే కాదు.. అనారోగ్య సమస్యలను కూడా నయం చేస్తుందని మీరు తెలుసా..? ముఖ్యంగా స్త్రీ తరచూ ఎదుర్కొనే నెలసరి సమస్యలు, సుఖ ప్రసవం, గర్భాశయ సమస్యలు ఇలు ఎన్నో అనారోగ్యాలను దూరం చేయడానికి దోహదపడుతుందట. సైంటిపిక్‌గా కూడా ఇది రుజువు అయింది. ఇంతకు ఎలాంటి సమస్యలను పరిష్కరిస్తుందో తెలుసుకుందాం..

స్త్రీలు ముక్కుపుడక ధరించాలనే సంప్రదాయం మధ్యప్రాచ్యంలో మొదలై 16వ శతాబ్దంలో భారత దేశంలో అడుగు పెట్టిందని పురాణాలు చెబుతున్నాయి. అంతేకాదు సుశ్రుతుడు రచించిన సుశ్రుత సంహిత అనే గ్రంధంలో కూడా ముక్కపుడక ప్రాధాన్యం గురించి వివరించారట. ముక్కుకి ఎడమవైపున చంద్రనాడి, కుడివైపున సూర్యనాడి ఉంటాయట. అందుకే కుడివైపు ముక్కుపుడకలో మండలాకారమైన చిన్నరాయిని ధరించాలని, ఎడమవైపున అర్ధ చంద్రాకారంలో కనిపించే ముక్కుపుడకను ధరించాలని శాస్త్రాలు చెబుతున్నాయి.

మహిళల పునరుత్పత్తి అవయవాలకు, ముక్కుపుడకకు ఎంతో సంబంధం ఉందని ఆయుర్వేదం చెబుతుంది. మహిళల ముక్కు పుడక ఎడమవైపు ఉండే ముక్కు భాగంలోని నరాలను శాంతపరుస్తుందట. దాంతో ఆడవారికి గర్భకోశవ్యాధులు తగ్గుతాయట. దాంతో స్త్రీ ప్రసవం సమయంలో అధిక ఒత్తిడికి లోనవ్వకుండా, పురుటినొప్పులు ఎక్కువ కలగకుండా సుఖప్రసవం జరుగుతుందని గ్రంధాల్లో ప్రస్తావించారు. అంతే కాదు నెలసరి సమయంలో కడుపునొప్పితో బాధపడే మహిళలు ముక్కు మీద ఉండే ఒక నోడ్ దగ్గర ముక్కును కుట్టింకుంటే ఆ నొప్పికూడా లేకుండా చేస్తుందట. అంతే కాకుండా చెవికి సంబంధించిన వ్యాధులు కూడా రాకుండా సహాయపడుతుంది. కన్ను, చెవికి సంబంధించిన నరాలు ముక్కుకు ఉన్న నరాలతో సంబంధం కలిగి ఉండడం వలన చెవిపోటు రాకుండా చేస్తుందట. అంతేకాక శ్వాస సంబంధమైన వ్యాధులు కూడా రాకుండా చేస్తుందని నిపుణులు చెప్తున్నారు. ఇకపోతే ప్రాంతాలవారిగా ఎవరి సాంప్రదాయాలకు తగ్గట్టు అక్కడి మహిళలు ముక్కుపుడకను ధరిస్తారు. భారతీయ సాంప్రదాయం ప్రకారం వివాహసమయంలో వధువు ముక్కుకు రింగును ధరిస్తారు.

ఇవి కూడా చదవండి: నేడు ఇడ్లీ డే.. మరికెందుకు లేటు టెస్ట్ చేసేయండి