ప్రపంచాన్ని వణికిస్తున్న వేల సంవత్సరాల నాటి వైరస్‌లు

దిశ, ఫీచర్స్ : మన చుట్టూ అనేక రకాల వైరస్‌లు ఉన్నాయి. అవి మన కంటికి కూడా కనిపించవు. వీటి వల్ల వివిధ రకాల వ్యాధులు వస్తాయి. కంటికి కనిపించని కరోనా వైరస్ వల్ల అనేక మంది ప్రాణాలు కోల్పోయారు. ఇప్పటికి దీని వల్ల చాలా మంది బాధ పడుతున్నారు. చైనా లో పుట్టి దేశాలను చుట్టేసింది. దీని తీవ్రత ఎలా ఉంటుందో మనందరికీ బాగా తెలుసు. ప్రస్తుతం, వేల సంవత్సరాల నాటి ఉనికిలో ఉన్న కొన్ని వైరస్లు ఇప్పటికీ ప్రజలను ఇబ్బంది పెడుతునే ఉన్నాయి. అవి నేటికీ కూడా మిస్టరీగానే మిగిలిపోయాయి. ఆ వైరస్ లు ఏంటో ఇక్కడ తెలుసుకుందాం..

ఎండోజెనస్ రెట్రోవైరస్ (ERV):

ఎండోజెనస్ రెట్రోవైరస్ అనేది ప్రపంచంలోనే అత్యంత పురాతనమైన వైరస్. ఈ వైరస్ మిలియన్ల సంవత్సరాల పాటు జన్యువులో ఉండిపోయింది. పురాతన కాలంలో, అవి వైరల్ ఇన్ఫెక్షన్లకు కారణమయ్యాయి.

హెపటైటిస్ బి వైరస్ (HBV):

HBV అనేది పాత కాలం వైరస్‌లలో ఇది కూడా ఒకటి. DNA అధ్యయనాలు కొంతమంది మమ్మీలు చేయబడిన వ్యక్తులలో హెపటైటిస్ బి వైరస్ సీక్వెన్స్‌లు ఉన్నాయని తేలింది.

హ్యూమన్ పాపిల్లోమావైరస్ (HPV):

HPV మరొక పురాతన వైరస్. ఇవి ఎన్నో ఏళ్లుగా ప్రజలపై దాడులు చేస్తూనే ఉన్నాయి. పురాతన DNA అధ్యయనాలు పురాతన మానవులలో HPV జన్యువులను గుర్తించాయి.

హెర్పెస్ వైరస్:

హెర్పెస్ సింప్లెక్స్ వైరస్ (HSV) ఉనికికి సంబంధించిన సాక్ష్యం పురాతన కాలం నాటిది. దాని హోస్ట్ యొక్క పరిణామంతో పాటు మిలియన్ల సంవత్సరాలలో ఇది పరిణామం చెందిందని నిపుణులు అంటున్నారు.