దేవుడిని పూజిస్తే జీవితంలో సక్సెస్ ఎందుకు వస్తుంది? ఎలా వస్తుంది?
భారతీయ సంప్రదాయంలో ఉదయాన్నే లేచి.. తలస్నానం చేసి.. భగవంతుడిని పూజించడం తరతరాలుగా వస్తుంది. సూర్యోదయానికి ముందే ఇల్లు శుభ్రం చేసి దీపం పెట్టడం.. ఆరాధన చేయడం.. పూర్తి అయిపోతాయి.
దిశ, ఫీచర్స్: భారతీయ సంప్రదాయంలో ఉదయాన్నే లేచి.. తలస్నానం చేసి.. భగవంతుడిని పూజించడం తరతరాలుగా వస్తుంది. సూర్యోదయానికి ముందే ఇల్లు శుభ్రం చేసి దీపం పెట్టడం... ఆరాధన చేయడం.. పూర్తి అయిపోతాయి. అయితే ప్రస్తుతం కొందరు మాత్రమే ఈ పద్ధతి ఫాలో అవుతుండగా.. ఇంకొందరు లైట్ తీసుకుంటారు. మోడ్రన్ లైఫ్ స్టైల్ కు అలవాటు పడిపోయారు. కానీ ఇలా అధ్యాత్మిక కార్యక్రమాల్లో పాల్గొంటే అనేక లాభాలున్నాయని చెప్తున్నాయి పలు అధ్యయనాలు. అవేంటో తెలుసుకుందాం.
- ఇతరులతో చక్కగా మసులుకుంటారు. దయగా ఉంటారు. సానుభూతి, కరుణ పెరుగుతుంది. వారిని ఆనందంగా ఉంచుతూనే మనం హ్యాపీగా ఉండొచ్చు.
- భగవంతుడి ధ్యానం మనసుకు ఉల్లాసాన్ని ఇస్తుంది. సృజనాత్మకతను ప్రోత్సహిస్తుంది. ఆత్మవిశ్వాసాన్ని పెంపొందిస్తుంది. ప్రతికూల ప్రభావం లేకుండా సానుకూల ఆలోచనలు కలిగేలా చేస్తుంది.
- మీ రోజును రివ్యూ చేసుకోడానికి.. సక్సెస్ ను సెలబ్రేట్ చేసుకునేందుకు తోడ్పడుతుంది. తర్వాత రోజు ఏం చేయాలో ముందే సెట్ చేసుకునే అలవాటు ఏర్పడుతుంది. జీవితంలో సమృద్ధి, సంతృప్తి కలుగుతాయి. ఇతరుల పట్ల కృతజ్ఞతతో ఉంటారు.
- ఉదయం చేసే ధ్యానం ఒత్తిడిని తగ్గిస్తుంది. ఫోకస్ పెంచుతుంది. ప్రశాంతత, స్పష్టత భావాలను కలిగిస్తుంది. అంతర్గత శాంతిని అందిస్తుంది. శక్తికి, విశ్వానికి మధ్య అనుసంధాన భావాన్ని పెంపొందిస్తుంది.
- ఆధ్యాత్మిక పుస్తకాలను చదవడం వల్ల స్ఫూర్తి, ప్రేరణ కలుగుతాయి. వ్యక్తిగతంగా వృద్ధిని పొందేలా ఇన్ స్పైర్ చేస్తాయి.