కాఫీ తాగితే గుండె ఆరోగ్యంగా ఉంటుందా.. అధ్యయనాలు ఏం చెబుతున్నాయంటే..

దిశ, వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డెస్క్ : మీరు కూడా రోజూ ఒకటి లేదా రెండు కప్పుల కాఫీ తాగితే ఈ వార్త మిమ్మల్ని సంతోషపరిచేదే. ఎందుకంటే రోజూ కాఫీని మితంగా వినియోగించే వారికి గుండె సంబంధిత వ్యాధులు వచ్చే ప్రమాదం తక్కువని కొన్ని అధ్యయనాల్లో తేలింది. చెప్పాలంటే మధ్యస్తంగా అంటే ప్రతిరోజూ మూడు కప్పుల కాఫీ అంటే 200-300 mg కెఫిన్ ఆరోగ్యానికి మంచిదంటున్నారు నిపుణులు. అయితే దీని కంటే ఎక్కువ కెఫిన్ ఆరోగ్యానికి హానికరం అంటున్నారు నిపుణులు.

ఈ అధ్యయనంలో కెఫీన్ వాడకం వల్ల కార్డియోమెటబాలిక్ ఆరోగ్యాన్ని మెరుగుపరుస్తుందని తేలింది. అయితే ఈ అధ్యయనంలో కెఫిన్‌తో పాటు వ్యాయామం, మంచి నిద్ర కూడా గుండె ఆరోగ్యానికి ప్రభావవంతంగా ఉన్నాయని తేలింది. మితంగా కాఫీ తీసుకుంటే గుండెకు మేలు జరుగుతుందని, అయితే కాఫీ ఎలా తయారవుతుందో తెలుసుకోవడం చాలా ముఖ్యం అంటున్నారు సీనియర్ కార్డియాలజిస్ట్. ఉదాహరణకు ఉడకబెట్టడం ద్వారా తయారు చేసిన కాఫీ కంటే ఫిల్టర్ కాఫీ చాలా మంచిది, మరింత ప్రయోజనకరమైనదంటున్నారు నిపుణులు. కానీ కాఫీని ఎక్కువగా తీసుకోవడం వల్ల హృదయ స్పందన రేటు పెరుగుతుందంటున్నారు. అలాగే ఆందోళన నిద్ర సమస్యలను కూడా కలిగిస్తుంది. అందుకే రోజులో ఎక్కువ కాఫీ తాగవద్దు.

గుండె సంబంధిత వ్యాధులు ఎందుకు వస్తాయి ?

గుండె సంబంధిత వ్యాధులు పెరగడానికి అతి పెద్ద కారణం నేటి అనారోగ్య జీవనశైలి అని, ఇందులో బయటి నుంచి జంక్ ఫుడ్ తినడం, పొగతాగడం - మద్యపానం, తక్కువ నిద్ర, ఒత్తిడి వంటి అంశాలు కారణమని నిపుణులు చెబుతున్నారు. అందుకే ప్రజలు చాలా చిన్న వయస్సులోనే అధిక రక్తపోటు, మధుమేహం బాధితులుగా మారుతున్నారు. తరువాత ఈ వ్యాధులు గుండెకు హాని కలిగిస్తున్నాయి. కానీ తక్కువ కాఫీ, కెఫిన్ రెగ్యులర్ తీసుకోవడం వల్ల గుండె సంబంధిత వ్యాధుల ప్రమాదాన్ని తగ్గిస్తుందని ఈ అధ్యయనం స్పష్టం చేసింది.

ఈ పరిశోధనలో పరిశోధకులు UK బయోబ్యాంక్ డేటాను ఉపయోగించారు. దీనిలో వారు 40 నుంచి 70 సంవత్సరాల మధ్య వయస్సు గల 5,00,000 కంటే ఎక్కువ మంది వ్యక్తులను అధ్యయనం చేశారు. ఇందులో వారి రోజువారీ ఆహారం, ఆరోగ్యానికి సంబంధించిన సమాచారం ఉంటుంది. ఈ డేటాను అధ్యయనం చేసిన తర్వాత, ఇతర వ్యక్తులతో పోలిస్తే ప్రతిరోజూ రెండు నుంచి మూడు కప్పుల కెఫిన్ అంటే కాఫీని తీసుకునే వ్యక్తులు గుండె సంబంధిత వ్యాధుల ప్రమాదం తక్కువగా ఉన్నట్లు కనుగొనబడింది.

గమనిక : పైవార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహనకోసం మాత్రమే అందిస్తున్నాం. నిర్ధారణలు, పర్యవసనాలకు ‘దిశ’ బాధ్యత వహించదు. ఆరోగ్యానికి సంబంధించిన నిర్ణయాలు తీసుకునే ముందు తప్పకుండా నిపుణులను సంప్రదించగలరు.