మీకు డస్డ్ అలర్జీ ఉందా..? అయితే ఇలా చేయండి!

దిశ, ఫీచర్స్: సాధారణంగా డస్ట్ అలెర్జీ అనేది ఎక్కువగా శ్వాసకోశ సమస్యలతో బాధపడే వారికి వస్తుంది. తుమ్ములు, దగ్గు, ముక్కు కారడం వంటివి డస్ట్ అలర్జీ లక్షణాలు. కొంతమంది వీటికి మందులు వాడుతుంటారు. ఇలాంటి సమస్య ఉన్న వారు ఈ చిట్కాలను పాటిస్తే ఉపశమనం లభిస్తుంది. అవేంటో ఇప్పుడు తెలుసుకుందాం.

* ప్రతి రోజూ గోరు వెచ్చని నీటిలో ఒక స్పూన్ తేనె కలుపుకుని తాగితే ఫలితం ఉంటుంది.

* నీటిలో తులసి ఆకులను వేసుకుని వాటిని బాగా మరిగించుకోవాలి. తరువాత అందులో చిటికెడు పసుపు వేసి తాగాలి. ఇలా చేయడం వల్ల అలర్జీ సమస్యలను తగ్గించుకోవచ్చు.

* ఒక స్పూన్ తేనెలో కొంచెం అల్లం రసం కలిపి, ప్రతి రోజూ ఉదయాన్నే పరగడుపున తీసుకోవడం వల్ల ఉపశమనం లభిస్తుంది.

* ముక్క దిబ్బడ సమస్యలను తగ్గించుకోవాలంటే గోరు వెచ్చని నీటిలో కాస్త రాళ్ల ఉప్పును కరిగించుకోవాలి. ఈ నీటితో ఆవిరి పట్టడం వల్ల ముక్కు దిబ్బడ సమస్యలను తగ్గించి, శ్వాస ఆడేలా చేస్తుంది.

* అల్లం టీని రోజూ తాగడం అలవాటు చేసుకోండి. అల్లంలో యాంటీఆక్సిడెంట్లు ఎక్కువగా ఉంటాయి. ఇవి శరీరంలోని హానికరమైన ఫ్రీ రాడికల్స్‌తో పోరాడుతాయి. డస్ట్ అలర్జీ ఉన్న వారికి ఇది బాగా ఉపయోగపడుతుంది.

*గమనిక: పైవార్తలోని సమాచారం ఇంటర్నెట్ ఆధారంగా సేకరించబడింది. ‘దిశ’ ధృవీకరించలేదు. అనుమానాలు ఉంటే వైద్య నిపుణులను సంప్రదించగలరు.