బీరు తాగితే నిజంగా బరువు పెరుగుతారా?

దిశ, ఫీచర్స్ : సన్నగా, బలహీనంగా ఉన్నవారు కనిపించగానే.. రోజుకో బీరు తాగు లావైపోతావు అని సలహా ఇస్తుంటారు. నిజంగా బీరు బరువును పెంచుతుందా? అంటే అవుననే చెప్తున్నాయి అధ్యయనాలు. ఎందుకంటే బీరు కేలరీ ఫ్రీ కానే కాదు. ఇందులో ఉండే కార్బోహైడ్రేట్లు, ఆల్కహాల్, కొవ్వులు.. కేలరీల కంటెంట్‌కు దోహదం చేస్తాయి. ఆల్కహాల్ కంటెంట్, వినియోగించే పదార్థాలు, తయారు చేసే ప్రక్రియ వంటి అంశాలపై ఆధారపడి కేలరీల సంఖ్య మారుతుంది. సాధారణ బీరు దాదాపు 355 ml ఉండవచ్చు, ఇందులో దాదాపు 150 కేలరీలు ఉంటాయి, క్రాఫ్ట్ బీర్లు, స్టౌట్‌లలో మరింత ఎక్కువగా ఉంటాయి.

అనేక అధ్యయనాలు బీర్ వినియోగం, బరువు పెరుగుట మధ్య సంబంధాన్ని వివరించాయి. మితమైన బీర్ వినియోగం నేరుగా బరువు పెరగడానికి దారితీయకపోవచ్చు, అధికంగా తీసుకోవడం వల్ల శరీరంలో కేలరీలు పెరగడానికి దోహదం చేస్తుంది. దీని ఫలితంగా కాలక్రమేణా బరువు పెరగవచ్చు. అంతేకాకుండా బీర్‌లోని ఆల్కహాల్ కంటెంట్ జడ్జిమెంట్ ను దెబ్బతీస్తుంది. పేలవమైన ఆహార ఎంపికలకు దారితీస్తుంది. బరువు పెరిగేందుకు కారణమవుతుంది.

అమెరికన్ జర్నల్ ఆఫ్ క్లినికల్ న్యూట్రిషన్‌లో ప్రచురించబడిన అధ్యయనం ప్రకారం, బీర్‌తో సహా అధిక ఆల్కహాల్ వినియోగం అధిక కేలరీలు తీసుకోవడానికి దారితీస్తుంది. ఊబకాయం ప్రమాదాన్ని పెంచుతుంది.

జర్నల్ ఒబేసిటీ రివ్యూస్‌లో ప్రచురించబడిన పరిశోధన ప్రకారం.. అధిక ఆల్కహాల్ వినియోగం జీవక్రియ ప్రక్రియలకు అంతరాయం కలిగిస్తుంది. బరువు పెరగడానికి దారితీస్తుంది. ముఖ్యంగా పొత్తికడుపు ప్రాంతం చుట్టూ కొవ్వు పెరుగుతుంది.

తక్కువ కేలరీల బీర్లు లేదా లైట్ బీర్‌లను ఎంచుకోవడం వల్ల తక్కువ కేలరీలను పొందే అవకాశం ఉంటుంది. బరువు పెరిగే అవకాశం ఉండదు.

శారీరక శ్రమతో అధిక కేలరీలను తగ్గించేందుకు ట్రై చేయండి. అయితే సమతుల్య ఆహారంలో భాగంగా అప్పుడప్పుడు బీరును ఆస్వాదించడం బరువుపై గణనీయమైన ప్రభావాన్ని చూపే అవకాశం లేదు.