మెక్‌డోనాల్డ్స్ ఆ అమ్మాయికి ఫుడ్ ఇవ్వ‌మంటే.. ఆమె ఏంచేసిందో చూడండి!
మెక్డొనాల్డ్స్ సిబ్బంది ఆమెకు ఫుడ్ ఇవ్వ‌లేమ‌ని అన్నారు.Woman climbed in McDonald's kitchen from the drive-thru window.
దిశ, వెబ్‌డెస్క్ః ఈ కాలంలో ఫాస్ట్ ఫుడ్ అంటే ఇష్టం లేనివారు ఉండ‌టరంటే అతిశ‌యోక్తి కాదు. వేడి వేడిగా గుమ‌గుమ‌లాడే స్పేసీ, టేస్టీ ఫుడ్ కోసం ఆక‌లి క‌డుపుతోనే ఎంత దూర‌మైనా వెళ్లి, ఆవురావురుమంటూ తిన‌డం చాలా మందికి అనుభ‌వ‌మే. అయితే, ఈ అమ్మాయి ఫాస్ట్ ఫుడ్ పైన తనకున్న ప్రేమను మ‌రో లెవ‌ల్‌కి తీసుకెళ్లింది. ఆక‌లి తీర్చుకోడానికి మెక్‌డోనాల్డ్స్‌కి వెళ్లిన అమ్మాయి ఆర్డర్ను అక్క‌డి సిబ్బంది తీసుకోలేదు. గ్లౌజులు లేక‌పోవ‌డం వ‌ల్ల మెక్డొనాల్డ్స్ సిబ్బంది ఆమెకు ఫుడ్ త‌యారు చేసివ్వ‌లేమ‌ని అన్నారు. దానితో ఆ అమ్మాయి బ‌తిమాల‌డం మానేసి, నేరుగా అర్డ‌ర్ కౌంట‌ర్‌లో నుండి కిటికీ గుండా వంటగదిలోకి దూకేసింది.
ఆ యువ‌తి ప్ర‌వ‌ర్త‌న వింత‌గా ఉండ‌టంతో అక్క‌డి సిబ్బంది వీడియో తీశారు. కిటికీ దూకి, వంటగదిలోకి ఎక్కి, తన స్వంత ఆర్డర్ను సిద్ధం చేసుకుంటానంటూ పట్టుబట్టింది. గుర్తు తెలియని ఆ గ‌డుసు పిల్ల ప‌రిస్థితిని తన చేతుల్లోకి తీసుకున్న తర్వాత, తాను సిబ్బందిని ఒప్పించ‌డానికి ఒక ఉపాయం చెప్పింది. మెక్డొనాల్డ్స్ సిబ్బందిని త‌న‌ని ఒక ట్రైనీ ఉద్యోగిగా స్వీక‌రించ‌మ‌ని అడిగింది. "మీతో పని చేయడానికి నాకు అనుమతివ్వండి. ఇది నాకు ట్రైనింగ్ అనుకోండి. నా మొదటి రోజు ట్రైనింగ్‌కి నేను సరైన డ్ర‌స్ వేసుకోకుండా వచ్చాను. క‌నుక, దీనికి మీరు బాధ్యులుకారు. నా ఆర్డ‌ర్ నేను ప్రిపేర్ చేసుకుంటాను" అని చెప్పింది. ఆమె చేసిన ఊహించని ఎత్తుగడకు మొత్తం సిబ్బంది క‌డుపుబ్బా నవ్వడమే కాక, ఆశ్చర్యపోయారు. మొదట టిక్‌టాక్‌లో షేర్ చేసిన ఈ వీడియో ఇప్పుడు యూట్యూబ్‌లో వైర‌ల్ అయ్యింది.