రష్మీకాతో లవ్ లో పడ్డ క్రికెటర్.. సోషల్ మీడియాలో వాళ్లిద్దరి ఫొటోలు వైరల్..

దిశ, వెబ్ డెస్క్: టీమిండియా బ్యాటింగ్ సంచలనం శుభమన్ గిల్ .. నటి రష్మిక మందన్నాలు సోషల్ మీడియాలో సంచలనం సృష్టిస్తున్నారు. రష్మికపై గిల్‌కు క్రష్ వుందంటూ గత కొద్దిరోజులుగా మీడియాలో కథనాలు వస్తున్న సంగతి తెలిసిందే. ఇన్‌స్టాగ్రామ్ వేదికగా తనకు రష్మికా మందన్నపై క్రష్ వుందని శుభమన్ గిల్ వెల్లడించాడు. అభిమానులతో సోషల్ మీడియాలో ముచ్చటించిన ఆయన.. తనకు సారా అలీఖాన్, సారా టెండూల్కర్‌లతో పాటు దక్షిణాది నటిపైనా క్రష్ వుందన్నారు.

అయితే, ఇష్టమైన నటి ఎవరంటే రష్మిక పేరే చెప్పడంతో మీడియాలో రకరకాల కథనాలు వస్తున్నాయి. ఈ క్రమంలోనే ఓ మీడియా సంస్థ గిల్ తాజా క్రష్ రష్మిక మందన్న అంటూ పెట్టిన పోస్ట్‌పై టీమిండియా స్టార్ స్పందించాడు. దీనిని ఎవరు నిర్ధారించారని శుభమన్ ప్రశ్నించాడు. ఇంతలో సారా అలీఖాన్‌తో డేటింగ్ చేస్తున్నట్లు మీడియా నివేదికలు చెబుతున్నాయి. ఈ జంట కలిసి రెస్టారెంట్‌లో భోజనం చేస్తున్నట్లుగా ఫోటోలు కలకలం రేపుతున్నాయి. అదే సమయంలో సోనమ్ బజ్వాతో మాట్లాడుతుండగా.. సారా తో డేటింగ్‌లో వున్నారా, లేదా అని అడగ్గా.. శుభమన్ గిల్ నవ్వు నవ్వి వదిలేశారు.

దీనికి సోనమ్ స్పందిస్తూ.. నిజం చెప్పండి సార్ కౌంటరిచ్చారు. ఆ వెంటనే శుభమన్ ఇది నిజం కావొచ్చు, కాకపోవచ్చంటూ ఆన్సర్ ఇచ్చారు. కాగా.. గతంలో శుభమన్ గిల్ సచిన్ టెండూల్కర్ కుమార్తె సారా టెండూల్కర్‌తో డేటింగ్ చేస్తున్నట్లు పుకార్లు వచ్చాయి. అదే సమయంలో రష్మిక.. రౌడీ బాయ్ విజయ్ దేవరకొండతో డేటింగ్ చేస్తున్నట్లుగా గాసిప్స్ వైరల్ అయ్యాయి. ఇక క్రికెట్ వార్తాల విషయానికి వస్తే.. శుభమన్ గిల్ ఇటీవలే మరో సెంచరీ బాదాడు. బోర్డర్ - గవాస్కర్ ట్రోఫీలో భాగంగా ఆస్ట్రేలియాతో జరుగుతున్న నాలుగో టెస్టు తొలి ఇన్నింగ్స్‌లో గిల్ ఈ సెంచరీ సాధించాడు.