TDP కి భారీ షాక్.. బెజవాడ ఎంపీ కేశినేని నాని సంచలన నిర్ణయం?
దిశ, ఏపీ బ్యూరో: కృష్ణా జిల్లాలో తెలుగుదేశం పార్టీకి భారీ షాక్ తగిలే అవకాశం కనిపిస్తోంది. విజయవాడ ఎంపీ కేశినేని నాని రాజకీయాలకు దూరమవుతారంటూ వార్తలు హల్‌చల్ చేస్తున్నాయి. ఇప్పటికే రెండు పర్యాయాలుగా విజయవాడ ఎంపీగా పోటీ చేసి గెలుపొందిన కేశినేని నాని.. భవిష్యత్‌లో పోటీ చేయకూడదని నిర్ణయించినట్లు తెలుస్తోంది. ఈ విషయాన్ని పార్టీ అధినేత చంద్రబాబు దృష్టికి కూడా తీసుకెళ్లినట్లు సమాచారం. అంతేకాదు విజయవాడ ఎంపీ అభ్యర్థిగా వేరొకరిని చూసుకోవాలని కూడా తేల్చి చెప్పినట్లు ప్రచారం […]
దిశ, ఏపీ బ్యూరో: కృష్ణా జిల్లాలో తెలుగుదేశం పార్టీకి భారీ షాక్ తగిలే అవకాశం కనిపిస్తోంది. విజయవాడ ఎంపీ కేశినేని నాని రాజకీయాలకు దూరమవుతారంటూ వార్తలు హల్‌చల్ చేస్తున్నాయి. ఇప్పటికే రెండు పర్యాయాలుగా విజయవాడ ఎంపీగా పోటీ చేసి గెలుపొందిన కేశినేని నాని.. భవిష్యత్‌లో పోటీ చేయకూడదని నిర్ణయించినట్లు తెలుస్తోంది. ఈ విషయాన్ని పార్టీ అధినేత చంద్రబాబు దృష్టికి కూడా తీసుకెళ్లినట్లు సమాచారం. అంతేకాదు విజయవాడ ఎంపీ అభ్యర్థిగా వేరొకరిని చూసుకోవాలని కూడా తేల్చి చెప్పినట్లు ప్రచారం జరుగుతుంది. మరోవైపు తన కుమార్తె శ్వేత సైతం ఇకపై పోటీ చేయబోదని తేల్చి చెప్పారంటూ వార్తలు గుప్పుమన్నాయి.
తాము కేవలం ఎన్నికల్లో పోటీ మాత్రమే చేయమని, టీడీపీని వీడబోమని తేల్చి చెప్పినట్లు సమాచారం. టీడీపీలో నెలకొన్న విభేదాల వల్లే ఆయన పోటీకి దూరంగా ఉంటున్నట్లు తెలుస్తోంది. మెుత్తానికి ఈ వ్యవహారంపై అటు పార్టీ కార్యాలయం నుంచి గానీ..ఇటు కేశినేని నాని కార్యాలయం నుంచి గానీ ఎలాంటి ప్రకటన వెలువడలేదు. అయితే ఈ వార్తలు తెలుగుదేశం పార్టీలో ప్రకంపనలు సృష్టిస్తున్నాయి.