నేడు ఢిల్లీకి సీఎం కేసీఆర్..

దిశ,వెబ్‌డెస్క్ : తెలంగాణ ముఖ్యమంత్రి కేసీఆర్ నేడు ఢిల్లీకి బయలుదేరనున్నారు.అమెరికా అధ్యక్షుడు ట్రంప్ భారత్ పర్యటనలో భాగంగా రాష్ట్రపతి కార్యాలయం ఇచ్చే విందుకు ఆయన హాజరుకానున్నారు.మంగళవారం బేగంపేట విమానాశ్రయం నుంచి ప్రత్యేక విమానంలో ఢిల్లీకి ప్రయాణమవుతారు.సాయంత్రం రాష్ట్రపతి భవన్‌లో ట్రంప్ దంపతులు,రాష్ట్రపతి రామ్‌నాధ్ కోవింద్, ప్రధానిమోడీతో కలిసి విందులో కేసీఆర్ పాల్గొంటారు.అంతకుముందు ట్రంప్ దంపతులు,వారి కూతురు ఇవాంకను సీఎం కేసీఆర్ కలిసి తెలంగాణ రాష్ట్రంలో తయారైన సంప్రదాయ పోచంపల్లి శాలువాను కప్పి సత్కరించనున్నారు.అనంతరం అమెరికా ప్రథమ పౌరురాలు మెలనియా, ఇవాంకకు గద్వాల్ చీరలు, అధ్యక్షునికి చార్మినార్ ప్రతిమను బహుకరించనున్నారు.