మే 28న కల్యాణమస్తు.. ద‌ర‌ఖాస్తులకు టీటీడీ ఆహ్వానం
దిశ, వెబ్‌డెస్క్ : తిరుపతిలో ఏటా సంప్రదాయంగా నిర్వహిస్తూ వస్తున్న కల్యాణమస్తు కార్యక్రమానికి సంబంధించి టీటీడీ శుభవార్త చెప్పింది. సనాత‌న హైంద‌వ ధర్మ ప్రచారంలో భాగంగా ఈ ఏడాది మే 28వ తేదీన కల్యాణమస్తు (సామూహిక వివాహాలు) నిర్వహించనున్నట్లు తెలిపింది. కళ్యాణమస్తు కింద వివాహం చేసుకోవాలనుకునే ఆసక్తి గల అవివాహితులైన యువ‌తీ యువ‌కులు ద‌ర‌ఖాస్తు చేసుకోవాలని టీటీడీ కోరింది. ఏపీలోని 13 జిల్లా కేంద్రాలతో పాటు తిరుపతిలో ఈ కార్యక్రమాన్ని నిర్వహించాల‌ని టీడీడీ నిర్ణయించింది. ఇందుకు సంబంధించిన […]
దిశ, వెబ్‌డెస్క్ : తిరుపతిలో ఏటా సంప్రదాయంగా నిర్వహిస్తూ వస్తున్న కల్యాణమస్తు కార్యక్రమానికి సంబంధించి టీటీడీ శుభవార్త చెప్పింది. సనాత‌న హైంద‌వ ధర్మ ప్రచారంలో భాగంగా ఈ ఏడాది మే 28వ తేదీన కల్యాణమస్తు (సామూహిక వివాహాలు) నిర్వహించనున్నట్లు తెలిపింది. కళ్యాణమస్తు కింద వివాహం చేసుకోవాలనుకునే ఆసక్తి గల అవివాహితులైన యువ‌తీ యువ‌కులు ద‌ర‌ఖాస్తు చేసుకోవాలని టీటీడీ కోరింది.
ఏపీలోని 13 జిల్లా కేంద్రాలతో పాటు తిరుపతిలో ఈ కార్యక్రమాన్ని నిర్వహించాల‌ని టీడీడీ నిర్ణయించింది. ఇందుకు సంబంధించిన విధివిధానాలు, ద‌ర‌ఖాస్తు ప‌త్రములు www.tirumala.org నుండి కానీ, ఆయా జిల్లాల హిందూ ధర్మ ప్రచార ప‌రిష‌త్ ప్రోగ్రాం అసిస్టెంట్స్ నుండి గానీ పొంద‌వ‌చ్చు. పూర్తి చేసిన ద‌ర‌ఖాస్తుల‌ను ఏప్రిల్ 25వ తేదీ లోపు ఆయా జిల్లా కేంద్రాల‌ల్లోని క‌ల్యాణ మండ‌పాల కార్యా‌ల‌యాల‌కు చేర్చాల్సి ఉంటుందని వెల్లడించింది.