ICC T20I Bowling Rankings: నెంబర్ 1 బౌలర్ ఎవరో తెలుసా..?

దిశ, వెబ్‌డెస్క్: ఐసీసీ మెన్స్ టీ20 ఇంటర్నేషనల్ ర్యాంకింగ్స్‌ బౌలింగ్‌ విభాగంలో శ్రీలంక బౌలర్ వానిందు హసరంగా టాప్‌ ప్లేస్‌లో నిలిచాడు. బుధవారం ఐసీసీ విడుదల చేసిన ర్యాంకింగ్స్‌లో టాప్‌ 10లో ఏ ఒక్క భారత బౌలర్ స్థానం సంపాదించకపోవడం గమనార్హం. 797 పాయింట్లతో వానిందు హసరంగా నెంబర్ 1 బౌలర్‌గా ఉండగా.. సౌతాఫ్రికా పేసర్ తబ్రాజ్ షమ్సీ 784 పాయింట్లతో రెండో స్థానంలోకి వచ్చాడు. ఆస్ట్రేలియా బౌలర్ ఆడం జంపా 725 పాయింట్లతో మూడో స్థానం, అదిల్ రషీద్(ఇంగ్లాండ్) నాలుగో స్థానం, రషీద్ ఖాన్(ఆఫ్గనిస్తాన్) ఐదో స్థానంలో కొనసాగుతున్నారు.

ఇక ఆరవ స్థానంలో ఆస్ట్రేలియా పేసర్ జోష్ హజెల్‌వుడ్, 7వ స్థానంలో ముజీబ్ ఉర్ రహమాన్(ఆఫ్గనిస్తాన్), 8వ స్థానంలో అన్రిచ్ నార్ట్జే(సౌతాఫ్రికా), 9వ స్థానంలో షాదాబ్ ఖాన్(పాకిస్తాన్), 10వ స్థానంలో టిమ్ సౌతి (న్యూజీలాండ్) ఉన్నారు.