మ్యాక్స్‌వెల్, ఏబీడీ మెరుపులు.. KKR ముందు భారీ లక్ష్యం

దిశ, వెబ్‌డెస్క్: మ్యాక్స్‌వెల్ మెరుపులు, ఏబీ డివిలియర్స్ పరుగుల మోతతో చెన్నై చెపాక్ స్టేడియం దద్దలిల్లింది. మ్యాక్స్‌వెల్, డివిలియర్స్ సిక్స్‌లు, ఫోర్లతో కోల్‌కతా నైట్‌రైడర్స్ ముందు బెంగళూరు జట్టు భారీ లక్ష్యాన్ని పెట్టింది. ముందు టాస్ గెలిచి బ్యాటింగ్ ఎంచుకున్న బెంగళూరు 20 ఓవర్లలో 204/4 పరుగుల భారీ స్కోర్ చేసింది. విరాట్ కోహ్లీ, రజత్‌ పటిదార్ సెకండ్ ఓవర్‌లో వరుణ్ చక్రవర్తి బౌలింగ్‌లో ఔట్ కావడంతో.. బెంగళూరు కష్టాల్లో పడింది.

ఆ సమయంలో బ్యాటింగ్‌కు వచ్చిన మ్యాక్స్‌వెల్, దేవదత్ పడిక్కల్ పరుగులు వరద పారించారు. ఆ తర్వాత మ్యాక్స్‌వెల్, దేవదత్ పడిక్కల్ ఔట్ అయిన తర్వాత బ్యాటింగ్‌కు వచ్చిన డివిలియర్స్ 34 బాల్స్‌కు 76 పరుగులు చేయడంతో బెంగళూరు భారీ స్కోర్ సాధించగలిగింది. ఇక బెంగళూరు బ్యాట్స్‌మెన్లలో మ్యాక్స్‌వెల్ 49 బంతుల్లో 78 పరుగులు చేయగా.. దేవదత్ పడిక్కల్ 28 బాల్స్‌లో 25 పరుగులు చేశాడు.