కరోనాతో ఉద్యమనేత మృతి.. కార్మికనేతల ఘననివాళులు

దిశ,మణుగూరు : ప్రపంచాన్ని వణికిస్తున్న కరోనాతో పోరాడుతూ మణుగూరు హెచ్.ఎం.ఎస్ బ్రాంచ్ ఉపాధ్యక్షుడు కోడిపెల్లి శ్రీనివాస్ మరణించారు. గత కొన్ని రోజుల క్రితం ఆయనకు కరోనా పాజిటివ్ నిర్ధారణ అయ్యింది. దీంతో అతను హైదరాబాద్‌లోని ప్రైవేట్ ఆసుపత్రిలో చికిత్స పొందుతూ ఆదివారం మృతి చెందారు. మణుగూరు ఏరియాలో కార్మిక నేతగా గుర్తింపు పొందిన శ్రీనివాస్ మరణం పట్ల పలు కార్మిక సంఘాల నేతలు తీవ్ర సంతాపం వ్యక్తం చేస్తూ, కుటుంబ సభ్యులకు సానుభూతి తెలిపారు.

కార్మిక సంక్షేమం కోసం అనునిత్యం అంకితమై పని చేసిన శ్రీనివాస్ మృతి కార్మిక లోకానికి తీరనిలోటని కార్మిక సంఘాల నేతలు సంతాపం వ్యక్తం చేశారు. ఆయన మృతి పట్ల మణుగూరు టీబీజీకేఎస్ ఉపాధ్యక్షులు వుకంటి ప్రభాకర్ రావు, ఐఎన్టీయూసీ నాయకులు వెలగపల్లి జాను,ఏఐటీయూసీ బ్రాంచ్ సెక్రెటరీ వై.రాంగోపాల్, జిల్లా ఉపాధ్యక్షులు ఆర్.మధుసూదన్ రెడ్డి, నాజర్ పాష, శ్రీనివాస్ మృతి పట్ల విచారం వ్యక్తం చేస్తూ కుటుంబ సభ్యులకు సానుభూతి తెలిపారు.