అతిగా తినేందుకు అడిక్ట్ అయ్యామా?

దిశ, ఫీచర్స్ : భారతీయ సంస్కృతిలో ఆహారం ముఖ్యభాగం. పండగలు, వేడుకలు, కుటుంబ కలయికలు.. ఇలా ప్రత్యేకమైన సందర్భాల్లో రుచికరమైన వంటకాలతో కడుపు నిండా భోజనం భుజిస్తారు. క్రీమీ కర్రీస్, కారంతో కూడిన వెరైటీ వంటకాలతో.. ఉత్తరాది, దక్షిణాది సంప్రదాయాల్లో ఆహారాన్ని అద్భుతమైన అనుబంధంగా మలుచుకున్నారు. కానీ ఈ ఫుడ్ లవ్ అతిగా తినడానికి దారితీస్తుందా? ఆహారపు అలవాట్లు, పోషకాహార అంతరాలు, మారుతున్న జీవనశైలి ఎలాంటి ఎఫెక్ట్ చూపుతుంది?

ఇంకొంచెం వేసుకోండి..

భారతదేశంలో ఆహారం ఆతిథ్యానికి పర్యాయపదం. భోజనం పెట్టిన తర్వాత అతిథులు కడుపు నిండిపోయిందని చెప్పినా.. ఇంకొంచెం వేసుకోమని, ఎక్కువగా తినమని పట్టుబడుతారు. సొసైటీ మీటింగ్స్ కూడా ఆహారంపై కేంద్రీకృతమై ఉంటాయి. హోస్ట్ ఆతిథ్యం కూడా అతిథులు ఫుడ్ మెచ్చారా? ఫుల్లుగా తినేశారా? అనే విషయాలపైనే అంచనా వేయబడుతుంది. దీపావళి, ఈద్, పొంగల్ వంటి పండుగలు అనేక రకాల స్వీట్లు, గొప్ప ఆహారాలతో ఆనందాన్ని బలోపేతం చేస్తాయి. పుష్టిగా తినే సందర్భాన్ని తీసుకొస్తాయి. వీటిని అడ్డుకోవడం కష్టమే. ఈ పద్ధతి సంస్కృతిలో లోతుగా పాతుకుపోయినందునా.. ఆకలితో కాకుండా సంప్రదాయం, ప్రేమ ద్వారా అతిగా తినడాన్ని ప్రోత్సహిస్తుంది. అయితే దురదృష్టవశాత్తు ఆధునిక జీవనశైలిలో ఆనందం, అతిగా తినడం మధ్య అస్పష్టమైన రేఖ ఉంది.

అసమతుల్య ఆహారం తింటున్నామా?

సాంప్రదాయ భారతీయ వంటకాలు మొక్కల ఆధారిత ఆహారపు చరిత్రను కలిగి ఉన్నాయి. ప్యూ రీసెర్చ్ ప్రకారం దాదాపు 80% మంది భారతీయులు తమ ఆహారం నుంచి మాంసాన్ని పరిమితం చేస్తారు. దాదాపు 40% మంది శాఖాహారులు. కానీ దాని అర్థం వారు తీసుకునే ఫుడ్ ఖచ్చితమైన ఆరోగ్యకరమైనది కాదు. EAT-Lancet నివేదిక ప్రకారం.. భారతీయ ఆహారం ప్రపంచంలోనే అత్యంత అసమతుల్యమైన వాటిలో ఒకటిగా చెప్పబడింది. ఇందులో ఎక్కువ కార్బోహైడ్రేట్స్, చాలా తక్కువ ప్రోటీన్స్ ఉన్నాయి.

ప్రోటీన్ లోపం ఎందుకు?

భారతీయ ఆహారాలు తెల్ల బియ్యం, గోధుమ వంటి శుద్ధి చేసిన ధాన్యాలతో తయారు చేసిన భోజనాన్ని కలిగి ఉంటున్నాయి. ఇవి అధిక గ్లైసెమిక్ లోడ్‌లను కలిగిస్తాయి. పాల ఉత్పత్తులు, కాయధాన్యాలు సమృద్ధిగా సరఫరా చేయబడిన దేశంలో మొక్కల ప్రోటీన్ ముఖ్యమైన మూలం. అయినా చాలా మంది ప్రోటీన్ లోపంతో బాధపడుతున్నారు. శుద్ధి చేసిన నూనెలు, డీప్-ఫ్రైడ్ చిప్స్, స్వీట్లను క్రమం తప్పకుండా తీసుకోవడం వల్ల ఊబకాయం, జీవనశైలి వ్యాధులు పెరుగుతున్నాయి.

జీవనశైలి వ్యాధులు

భారతదేశంలోని కొన్ని ప్రాంతాలలో పోషకాహార లోపం సమస్యగా కొనసాగుతున్నప్పటికీ.. పట్టణ ప్రాంతాలలో ఊబకాయం, మధుమేహం, గుండె జబ్బులు వంటి జీవనశైలి సంబంధిత వ్యాధులు బాగా పెరుగుతున్నాయి. సాంప్రదాయ ఆహారం కారణంగా జీవక్రియ రుగ్మతలు అత్యధికంగా ఉన్న దేశాలలో భారతదేశం అగ్రస్థానంలో ఉంది. ఇది సాధారణంగా అనారోగ్యకరమైన కొవ్వులు, సాధారణ కార్బోహైడ్రేట్లతో సమృద్ధిగా ఉంటుంది. రాత్రిపూట ఎక్కువగా తినడం అనే సంస్కృతి అతిపెద్ద నేరస్థులలో ఒకటి. తర్వాత తక్కువ కదలికతో అధిక మొత్తంలో కార్బోహైడ్రేట్ విందు.. బరువు పెరగడం, జీవక్రియ ఆరోగ్యం మరింత దిగజారడంతో ముడిపడి ఉంది. ఫుడ్ డెలివరీ యాప్స్, ఫాస్ట్ ఫుడ్ కల్చర్ విస్తరణ మరింత అతిగా తినేందుకు కారణమైంది. ఇలా కాకుండా ఫుడ్ కంట్రోల్ చేసుకుంటూ.. ప్రోటీన్, ఫైబర్ పెంచడం, ప్రాసెస్డ్ ఫుడ్ తగ్గించడం మంచిది.