Sunitha Williams : భూమికి చేరుకోనున్న సునీతా విలియమ్స్.. ఇన్ని ఆరోగ్య సమస్యలా.. నడక కూడా నేర్చుకోవాల్సిందేనా?
తొమ్మిది నెలల అంతరిక్ష ప్రయాణం తర్వాత సునీతా విలియమ్స్ భూమికి తిరుగు ప్రయాణం అవుతున్నారు. మరికొద్ది గంటల్లో భూమిపైకి చేరుకోనున్నారు.
దిశ, ఫీచర్స్ : తొమ్మిది నెలల అంతరిక్ష ప్రయాణం తర్వాత సునీతా విలియమ్స్ భూమికి తిరుగు ప్రయాణం అవుతున్నారు. మరికొద్ది గంటల్లో భూమిపైకి చేరుకోనున్నారు. కానీ తిరిగి ఇంటికి రావడం ప్లేన్ బోర్డింగ్ అంత సులభం కాదు. గురుత్వాకర్షణతో యుద్ధం చేయాల్సి వస్తుంది. ఇన్నాళ్ల స్పేస్ మిషన్ మనిషి శరీరంపై తీవ్రమైన ప్రభావం చూపుతుంది. మైక్రోగ్రావిటీలో ఆస్ట్రోనాట్స్ ఎమకల సాంద్రత కోల్పోవడం, కండరాల క్షీణత, దృష్టి లోపం సమస్యలు, కార్డియోవాస్క్యులర్ స్ట్రెస్ ఏర్పడుతాయి. రేడియేషన్ ఎక్స్‌పోజర్‌తో క్యాన్సర్, ఐసోలేషన్‌తో మెంటల్ హెల్త్‌పై ఎఫెక్ట్ పడుతుంది. ఇన్ని హెల్త్ ప్రాబ్లమ్స్ ఎదుర్కొన్న తర్వాత భూమి మీదకు తిరిగిరావడం.. ముఖ్యంగా గురుత్వాకర్షణకు లోను కావడం అంటే మళ్లీ బ్యాలెన్సింగ్, కోఆర్డినేషన్, అంతెందుకు నడక కూడా కొత్తగా నేర్చుకోవాల్సి ఉంటుంది. దీనిపై నాసా మాజీ వ్యోమగామి లెరాయ్ చియావో స్పందన తెలుసుకుందాం.
* సునీతా విలియమ్స్, బుచ్ విల్మోర్ భూమికి తిరిగి వచ్చినప్పుడు నడవడంలో ఇబ్బంది పడవచ్చు. ఎందుకంటే అంతరిక్షంలో ఎక్కువసేపు నడవడం వల్ల వ్యోమగాములకు ‘‘బేబీ ఫీట్’’ డెవలప్ అవుతాయి.
* గాలి, గురుత్వాకర్షణ శక్తి లేకపోవడం వల్ల వ్యోమగాములు అంతరిక్షంలో బరువులేనితనాన్ని(weightlessness) అనుభవిస్తారు. దీనివల్ల పాదాలపై కాలిస్ మాయమవుతుంది. బేసిక్‌గా చర్మపు మందపాటి భాగాన్ని కోల్పోతారు.
* ఎక్కువసేపు అంతరిక్షంలో ఉన్నప్పుడు గురుత్వాకర్షణకు గురికాకపోవడం వల్ల కోలుకోలేని ఎముక సాంద్రత నష్టం జరుగుతుంది. సరైన జాగ్రత్తలు తీసుకోకపోతే.. అంతరిక్షంలో గడిపిన వ్యోమగాముల బరువు మోసే ఎముకలు ప్రతి నెలకు ఒక శాతం పెళుసుగా మారుతాయని నాసా పేర్కొంది.
Read More..
వారంలో మానాల్సిన గాయం.. కేవలం 4 గంటల్లో మానేలా జెల్! శాస్త్రవేత్తల అద్భుత సృష్టి