మాజీ మంత్రికి పితృవియోగం!

దిశ, వెబ్ డెస్క్: మాజీ మంత్రి పరిటాల సునీత ఇంట్లో విషాదం నెలకొన్నది. ఆమె తండ్రి కొండన్న కన్నుమూశారు. గత కొంతకాలంగా అనారోగ్యంతో బాధపడుతున్న ఆయన శనివారం తుదిశ్వాస విడిచారు. ఆస్పత్రిలో చికిత్స పొందుతూ మృతిచెందారు. దీంతో ఆయన కుటుంబ సభ్యులు, బంధువులు కన్నీరుమున్నీరవుతున్నారు. కొండన్న మృతిపట్ల మాజీమంత్రి నారా లోకేశ్ సంతాపం వ్యక్తం చేశారు. ఇతర టీడీపీ నాయకులు కూడా సునీతకు ప్రగాఢ సానుభూతి తెలియజేశారు.