గెట్ రెడీ పవర్ స్టార్ ఫ్యాన్స్.. ఆగష్టు 15న ‘పవర్’ తుఫాన్

దిశ, వెబ్‌డెస్క్: పవర్ స్టార్ పవన్ కళ్యాణ్.. ఈ పేరు వినగానే ఫ్యాన్ ఉర్రూతలూగిపోతుంటారు. ఆయన గురించి ఏ కొత్త న్యూస్ తెలిసినా పండగ చేసుకుంటారు. ఇటీవల ‘‘వకీల్ సాబ్’’ సినిమాతో సూపర్ హిట్ అందుకున్న పవర్ స్టార్ ఇప్పుడు క్రిష్ దర్శకత్వంలో ‘హరిహర వీరమల్లు’ మరియు ‘అయ్యప్పనుమ్ కోషియుమ్’ రీమేక్‌లతో బిజీగా ఉన్నారు. అంతేగాకుండా.. ‘గబ్బర్ సింగ్’ వంటి సూపర్ హిట్ చిత్రాన్ని అందించిన దర్శకుడు హరీష్ శంకర్ దర్శకత్వంలోనూ పవన్ కళ్యాణ్ మరో సినిమా చేస్తున్న సంగతి తెలిసిందే. తాజాగా.. సాగర్ కే.చంద్ర దర్శకత్వంలో వస్తోన్న అయ్యనుమ్ కోషియమ్ నుంచి క్రేజీ అప్‌డేట్‌ను అభిమానులకు మేకర్స్ అందించారు. ఆగష్టు 15వ తేదీన ఉదయం 09 : 54 నిముషాలకు చిత్రానికి సంబంధించిన ఫస్ట్ లుక్ అండ్ టైటిల్ అనౌన్స్ చేస్తున్నట్లు చిత్ర యూనిట్ శుక్రవారం సాయంత్రం నాలుగు గంటలకు అధికారికంగా ప్రకటిస్తూ.. అభిమానులకు కిక్ ఇచ్చేలా అదిరిపోయే లుక్‌ను విడుదల చేశారు. దీంతో పవన్ అభిమానులు ఆనందంలో మునిగిపోయారు. కాగా, ఈ చిత్రానికి మాటల మాంత్రికుడు త్రివిక్రమ్ శ్రీనివాస్ స్క్రీన్ ప్లే, డైలాగ్స్ అందిస్తున్నారు.