తండ్రినే కడతేర్చిన కసాయి కొడుకు

దిశ, ఖమ్మం రూరల్: కొడుకు చేతిలో తండ్రి హతమైన సంఘటన రూరల్​ మండలంలో చోటు చేసుకుంది. పోలీసులు తెలిపిన వివరాల ప్రకారం.. ఎం.వీపాలెం గ్రామంలో కొలిచలం రామచంద్రయ్య(70)కు ఇద్దరు కుమారులు ఉన్నారు. వీరిద్ధరికి పెళ్లి కూడ జరిగింది. గత నాలుగు సంవత్సరాల క్రితం చిన్న కుమారుడు ఉమాశంకర్​కు వివాహం జరిగింది. కుటుంబ కలహల వలన భార్య పుట్టింటికి వెళ్లింది. అప్పటి నుంచి శంకర్​ తన తండ్రిని తరుచుగా భార్యను తీసుకురావాలని ఇబ్బందులకు గురిచేస్తున్నాడు. తన భార్యను తీసుకరాకపోతే చంపుతానని బెదిరించేవాడు.

ఈ విషయంలో పలుమార్లు పెద్దమనుషులు పంచాయతీ నిర్వహించి శంకర్​ను మందలించారు. దీనిని మనస్సులో పెట్టుకున్న కుమారుడు బుధవారం తెల్లవారుజామున ఇంట్లో మంచంమీద పడుకున్న తండ్రి రామచంద్రయ్యను తలకు నేలకేసి కొట్టడంతో పాటు ఉరితీశాడు. గమనించిన తల్లి లక్ష్మిదేవమ్మ కేకలు వేసి చూట్టుపక్కలవారిని పిలిచేసరికే శంకర్​ పారిపోయాడు. రామచంద్రయ్య తలకు బలమైన గాయాలవడంతో అప్పటికే చనిపోయి ఉన్నాడు. వెంటనే హస్పిటల్​కు తరలించగా వైద్యులు చనిపోయినట్లు ధ్రవీకరించారు. విషయం తెలుసుకున్న రూరల్​ ఎస్​ఐ రవూఫ్​ సంఘటన స్థలానికి చెరుకుని పరిశీలించి కేసు నమోదు చేసి దర్యాప్తు చేస్తున్నారు.