తప్పు చేయలేదు.. అదే నా దేశ భక్తి : కిచ్చా సుదీప్

దిశ, సినిమా: ప్రతీ విషయంలో సెలబ్రిటీలను బాగా అబ్జర్వ్ చేస్తుంటారు నెటిజన్లు. ఇక స్పెషల్ అకేషన్స్ అయితే కచ్చితంగా హండ్రెడ్ పర్సెంట్ అబ్జర్వేషన్ ఉంటుంది. ఈ క్రమంలోనే ఇండిపెండెన్స్ డే సందర్భంగా కిచ్చా సుదీప్ జాతీయగీతం పాడటం స్పెషల్ అటెన్షన్ క్యాచ్ చేసింది. తన అభిమానులు ఈ వీడియోను సోషల్ మీడియాలో షేర్ చేయగా.. ఓ ఫ్యాన్ సుదీప్ జాతీయగీతం తప్పుగా పాడాడని పాయింట్ అవుట్ చేశాడు. 48-52 సెకన్లలో పాడాల్సిన గీతాన్ని 63-65 సెకన్లు పాడాడంటూ తప్పుపట్టాడు. తనను లక్షల మంది ఫాలో అవుతారు కాబట్టి టాప్‌లో ఉండేందుకు ప్రయత్నించాలని సూచించాడు. జాతీయ గీతాలాపన ఇన్‌టైమ్‌లో చేయడమే కామన్ సెన్స్ అనిపించుకుంటుందని చెప్పాడు. దీనిపై స్పందించిన సుదీప్.. అభిమాని చెప్పిన విషయాన్ని అంగీకరిస్తున్నట్లు చెప్పాడు. ‘కానీ నా దేశం పట్ల ప్రేమతో నేను భావించింది చేశాను’ అని తెలిపాడు.