కన్నీరు పెట్టుకున్న దివ్యవాణి

దిశ, వెబ్ డెస్క్: అమరావతిని రాజధానిగా కొనసాగించాలంటూ ఉద్దండరాయునిపాలెంలో రైతులు సర్వమత ప్రార్థనలు నిర్వహించారు. ఈ సందర్భంగా టీడీపీ అధికార ప్రతినిధి, నటి దివ్యవాణి క్రైస్తవ ప్రార్థనల్లో పాల్గొన్నారు. కేంద్ర, రాష్ట్ర ప్రభుత్వాలు అమరావతిని సమాధి చేయాలని చూస్తున్నాయని ఆమె ఆవేదన వ్యక్తం చేశారు. పాలకులకు మంచి బుద్ధి కల్పించాలని దేవుడిని ప్రార్ధించారు.

ప్రార్థనలకు ముందు మీడియాతో మాట్లాడిన ఆమె వైసీపీ ప్రభుత్వం‌ తీరుపై మండిపడ్డారు. అమరావతిని సమాధి చేస్తున్నారంటూ ఉద్వేగానికి లోనయ్యారు. కరోనాని లెక్క చేయకుండా అమరావతి కోసం రైతులు ఉద్యమిస్తున్నారని కన్నీరు పెట్టుకున్నారు. అమరావతి రైతులకు టీడీపీ ప్రభుత్వం అండగా ఉంటుందని భరోసా ఇచ్చారు.