గయలో పిండ దానం ఎందుకు చేస్తారు.. దాని ప్రాముఖ్యత ఏంటో తెలుసా..

దిశ, ఫీచర్స్ : పిండ దానం, తర్పణం, శ్రాద్ధ ఆచారాలు నిర్వహించేందుకు భారతదేశంలో అనేక ప్రదేశాలు ఉన్నాయి. అయినప్పటికీ ఫల్గునది ఒడ్డున ఉన్న గయా నగరానికి ఈ విషయంలో ప్రత్యేక ప్రాముఖ్యత ఉంది. మత విశ్వాసాల ప్రకారం, సర్వ పిత్రు అమావాస్య రోజున గయలో పిండ దానం చేయడం ద్వారా 108 వంశాలు, 7 తరాలను రక్షిస్తాయట. పూర్వీకుల ఆత్మలకు శాంతి లభిస్తుంది. అలాగే పూర్వీకులు ముక్తిని పొందుతారట అందేకే ఈ ప్రదేశాన్ని మోక్ష స్థానం అంటారు. పురాతనమైన గయ నగరంలో విష్ణువు స్వయంగా పితృదేవుని రూపంలో నివసిస్తున్నాడని పురాణాలలో చెప్పబడింది. గయలో పిండ దానం ప్రాముఖ్యత ఏమిటో ఇప్పుడు తెలుసుకుందాం.

గయలో పిండ దానం ప్రాముఖ్యత..

దేశవ్యాప్తంగా 55 ప్రదేశాలు శార్ధ ఆచారాలకు, పిండ దానానికి ముఖ్యమైనవిగా పరిగణిస్తారు. ఇందులో బీహార్‌లోని గయకి ప్రాధాన్యత ఉంది. గయలో శ్రాద్ధ కర్మ, తర్పణం, పిండ దానం చేసిన తర్వాత పూర్వీకుల రుణం నుండి విముక్తి పొందుతారని పండితులు చెబుతున్నారు. దశరథ రాజు ఆత్మకు శాంతి, మోక్షం కోసం ఫల్గునది ఒడ్డున రాముడు, తల్లి సీత పిండదానం నిర్వహించాడు. అలాగే మహాభారత కాలంలో పాండవులు కూడా ఈ ప్రదేశంలో శ్రార్థం పెట్టారు.

గరుడ పురాణం, విష్ణు పురాణాలలో కూడా గయానగర ప్రాముఖ్యత గురించి ప్రస్తావించారు. పూర్వీకులు ఈ తీర్థయాత్రలో మోక్షాన్ని పొందుతారు. అందుకే గయను మోక్షభూమి అంటే మోక్షస్థానం అంటారు. ప్రతి సంవత్సరం పితృ పక్షం సందర్భంగా గయా నగరంలో ఒక జాతర జరుగుతుంది. దీనిని పితృపక్ష జాతర అని కూడా అంటారు. గయా నగరం హిందువులతో పాటు బౌద్ధమతానికి కూడా పవిత్ర స్థలం. బుద్ధగయను బుద్ధుని భూమి అని కూడా అంటారు. బౌద్ధమత అనుచరులు తమదైన శైలిలో ఇక్కడ అనేక దేవాలయాలను నిర్మించారు.

పురాణ కథ..

గయాసురుడు అనే రాక్షసుడు కఠోర తపస్సు చేసి బ్రహ్మాజీ నుండి వరం కోరుకున్నాడు. గయాసురుడు తన శరీరం పవిత్రంగా మారాలని, తనను చూసిన తర్వాత ప్రజలు తమ పాపాల నుంచి విముక్తి పొందాలని బ్రహ్మదేవుని వరం కోరాడు. ఈ వరం తరువాత ప్రజలు భయాన్ని పోగొట్టుకున్నారు. పాపాలు చేయడం ప్రారంభించారు. పాపం చేసిన తర్వాత గయాసురుడిని దర్శించుకుని పాపాల నుంచి విముక్తుడయ్యాడు. దీంతో స్వర్గ నరకం మధ్య సమతుల్యత దెబ్బతినడం మొదలైంది. పెద్ద పాపాలు చేసినవారు కూడా స్వర్గానికి చేరుకోవడం ప్రారంభించారు.

గదాధరుడి రూపంలో శ్రీమహావిష్ణువు..

వీటన్నిటి నుంచి తప్పించుకోవడానికి దేవతలు గయాసురుడిని చేరుకుని యాగానికి పవిత్ర స్థలం కావాలని కోరారు. గయాసురుడు తన శరీరాన్ని దేవతలకు యాగం కోసం ఇచ్చాడు. మీరు దేహం పై మాత్రమే యాగం చేయండి అని చెప్పాడు. గయాసురుడు పడుకున్నప్పుడు, అతని శరీరం ఐదు కోసులకు వ్యాపించింది. ఈ ఐదు కోసులు గయగా మారింది. గయాసురుని పుణ్య ప్రభావం వల్ల ఆ ప్రదేశం పుణ్యక్షేత్రంగా ప్రసిద్ధి చెందింది. గయలో ఇంతకుముందు వివిధ పేర్లతో 360 బలిపీఠాలు ఉన్నాయి. కానీ ఇప్పుడు 48 మాత్రమే మిగిలి ఉన్నాయి. గయలో విష్ణువు గదాధరుని రూపంలో ఉన్నాడు. బ్రహ్మ, జనార్దనుడు, శివుడు, ప్రపితామహుడు గయాసురుని స్వచ్ఛమైన శరీరంలో నివసిస్తారు. అందుకే ఈ ప్రదేశం పిండ దానం, శ్రద్ధా ఆచారాలకు ఉత్తమమైనదిగా పరిగణిస్తారు.