పూజ సమయంలో కర్పూరం ఎందుకు వెలిగిస్తారో తెలుసా..

దిశ, ఫీచర్స్ : హిందూ మతంలో పూజా సమయంలో ప్రజలు తమ ఇళ్లలో కర్పూరాన్ని వెలిగిస్తారు. పూజ సమయంలో ఇంట్లో కర్పూరాన్ని వెలిగిస్తే ఇంట్లో ఎల్లప్పుడూ ఆనందం ఉంటుందని, అన్ని ప్రతికూల శక్తులు తొలగిపోతాయని నమ్ముతారు. కర్పూరం నుంచి వెలువడే పొగ ఇంటి వాతావరణాన్ని ప్రశాంతంగా చేస్తుంది. అనేక అనారోగ్య సమస్యల నుండి కూడా ఉపశమనాన్ని అందిస్తుంది.

పూజ, హవన లేదా హారతి సమయంలో కర్పూరాన్ని ఉపయోగించకపోతే, పూజ అసంపూర్ణంగా ముగుస్తుందని పండితులు చెబుతున్నారు. దేవతలను ప్రసన్నం చేసుకోవడానికి పూజ సమయంలో కర్పూరాన్ని వెలిగిస్తారని చెబుతున్నారు. పూజ సమయంలో కర్పూరం వెలిగిస్తే అహంకారాన్ని పూర్తిగా నాశనం చేస్తుందని పండితుల మాట.

కర్పూరాన్ని కాల్చడం వల్ల కలిగే ప్రయోజనాలు ఇవే..

కర్పూరాన్ని కాల్చడం వల్ల గాలిని శుద్ధి చేస్తుందని నమ్ముతారు. దీని నుంచి వచ్చే సువాసన గాలిలోని బ్యాక్టీరియా, వైరస్‌లను తొలగించడంలో సహాయపడుతుంది. దీని వల్ల మన చుట్టూ ఉన్న వాతావరణం ఎప్పుడూ స్వచ్ఛంగా ఉంటుంది. ఇంట్లో ప్రతిరోజూ సాయంత్రం మట్టి పాత్రలో కర్పూరాన్ని వెలిగించి, దాని పొగను ఇల్లంతా వ్యాపిస్తే ఇంట్లోని దోషాలన్నీ తొలగిపోతాయి. జ్యోతిష్య శాస్త్రం ప్రకారం కర్పూరాన్ని వెలిగించడం వల్ల ఇంటిని పితృదోషం నుండి విముక్తి చేస్తుంది.