అధికారులకు చుక్కలు చూపించిన జింక

దిశ, వెబ్ డెస్క్: అధికారులకు ఓ జింక చుక్కలు చూపించిందంటే మీరు నమ్మలేకపోతున్నారు కదా..? అయితే, ఇది చదవండి మీరు కూడా అవుననే అంటారు. కర్ణాటకలో ఉన్న రాజరాజేశ్వరీ నగర్ వీధిలో శుక్రవారం ఓ జింక తిరుగుతూ కనిపించింది. అయితే, ఆ జింకను ఆ వీధిలో కుక్కలు వెంబడించాయి.

ఇది గమనించిన స్థానికులు అటవీశాఖ అధికారులకు సమాచారం ఇచ్చారు. వెంటనే అధికారులు అక్కడి చేరుకుని ఆ జింకను పట్టుకునేందుకు ప్రయత్నించారు. కానీ, ఆ జింక ఆ అధికారులకు ఎంతకూ దొరకడంలేదు. అలా వెంబడిస్తున్న క్రమంలో ఆ జింక ఓ రెస్టారెంట్ లోకి చొరబడింది. దీంతో ఇద్దరు అధికారులు, అందులో ఉన్న ఇతర వ్యక్తులు ఆ జింకను పట్టుకోగలిగారు. అనంతరం దానికి వైద్య పరీక్షలు చేసి తురహల్లి రిజర్వ్ ఫారెస్ట్ లో వదిలేశారు.