భర్తతో కాకుండా మరొకరితో హీరోయిన్ రొమాన్స్ .. ఇన్‌స్టాగ్రామ్‌లో ఫొటోలు..

దిశ, సినిమా: దీపికా పదుకునే, సిద్ధాంత్ చతుర్వేది, అనన్య పాండే ప్రధాన పాత్రలో తెరకెక్కుతున్న చిత్రం ‘గెహ్రియన్’. 2022 జనవరి 25న రిలీజ్ కానున్న ఈ మూవీ షూటింగ్ సెట్ నుంచి కొన్ని చిత్రాలను సోషల్ మీడియా వేదికగా పంచుకుంది దీపిక. ఒక ఫొటోలో సిద్ధాంత్‌తో కలిసి బీచ్‌లో బికినీ ధరించి కూర్చోగా, మరొక చిత్రంలో సిద్ధాంత్‌ను కౌగిలించుకుంటున్న ఫొటోలను షేర్ చేస్తూ.. ‘అవును.. మీరు అనుకుంటున్నది ఇక్కడ ఉంది. కానీ కొంచెం వేచి ఉండండి. ఒక సామెత చెప్పినట్లుగా.. కొన్నిసార్లు మీరు దేనికోసమైతే ఎక్కువసేపు ఆశగా ఎదురు చూస్తుంటారో.. అది వచ్చినప్పుడు అంతకుమించి ఆనందం పొందుతారు. అది ఇక్కడ రుజువు కాబోతుంది. నిజంగా మాయాజాలం అని నమ్మే దానిలో భాగమయ్యే అవకాశాన్ని నేను వదులుకోలేదు. మీరు వదులుకోకండి. డిసెంబర్ 21న అనౌన్స్‌మెంట్ కోసం వేచి ఉండండి’ అంటూ రాసుకొచ్చింది.

https://twitter.com/daperfectDP/status/1472797205778083843?s=20

ఇక చాలాకాలం తర్వాత దీపిక మళ్లీ బికినీలో దర్శనమివ్వడంతో అభిమానులు సంబరాలు చేసుకోగా.. మరి కొంతమంది సినిమాలో సిద్ధాంత్‌తో ముద్దు, బోల్డ్ సీన్లపై ట్రోలింగ్ కూడా చేస్తున్నారు. ఇక నసీరుద్దీన్ షా, రజత్ కపూర్ కీలక పాత్రలు పోషిస్తున్న ఈ చిత్రాన్ని శకున్ బత్రా దర్శకత్వంలో ధర్మ ప్రొడక్షన్స్, వయాకామ్ 18 స్టూడియోస్, బత్రాస్ జౌస్కా మోషన్ పిక్చర్స్‌ సయుంక్తంగా నిర్మిస్తున్నాయి.