గంజాయి సేవిస్తున్న యువకులు అరెస్ట్​

దిశ, మల్లాపూర్ : గంజాయి సేవిస్తున్న ఇద్దరు యువకుల్ని పట్టుకున్న ఘటన జగిత్యాల జిల్లా మల్లాపూర్ మండలంలో చోటు చేసుకుంది. సీఐ నిరంజన్ రెడ్డి తెలిపిన వివరాల ప్రకారం మల్లాపూర్ మండలం రత్నాపూర్ శ్మశాన వాటికలో ఇద్దరు యువకులు గంజాయి సేవిస్తున్నారనే విషయం తెలుకున్న సీఐ నిరంజన్ రెడ్ది, ఎస్సై కిరణ్ కుమార్ లు సిబ్బందితో శ్మశానానికి చేరుకున్నారు.

      కుస్తాపూర్ గ్రామానికి చెందిన కండెల రవితేజ 21స"అలాగే రత్నాపూర్ గ్రామానికి చెందిన సుద్ద పెల్లి సాయికుమార్ (19) అదుపులోకి తీసుకొని విచారించగా గత కొంతకాలంగా నరేష్ అనే వ్యక్తి దగ్గర గంజాయి కొనుగోలు చేసి చిన్నచిన్న కవర్లో చుట్టి 500 రూపాయలకు ఒకటి చొప్పున అమ్ముతూ పట్టుపడ్డారని తెలిపారు. వీరి వద్ద నుండి 200 గ్రాముల గంజాయిని స్వాధీనపరుచుకొని ఇరువురి పై కేసు నమోదు చేసి రిమాండ్​కు తరలించినట్లు తెలిపారు. గంజాయి అమ్మినా తాగినా చర్యలు తీసుకుంటామని సీఐ తెలిపారు.