పెళ్లి బారాత్ లో విషాదం.. ఒక్కసారిగా కుప్పకూలిన యువకుడు..

దిశ, మేడిపల్లి : పెళ్లి బారాత్ లో డ్యాన్స్ చేస్తూ కుప్పకూలిన యువకుడు ఆసుపత్రికి తరలిస్తుండగా మృతి చెందిన సంఘటన జగిత్యాల జిల్లా భీమారం మండలంలోని మోత్కరావుపేటలో బుధవారం రాత్రి జరిగింది. వివరాల్లోకి వెళితే భీమారం మండలం కమ్మరిపేట గ్రామానికి చెందిన వన్నెల సంజయ్ (23) అనే యువకుడు బుధవారం అర్ధరాత్రి మోత్కరావుపేట గ్రామంలోని తన మేనమామ కొడుకు పెండ్లి కాగా పెళ్లి బారాత్ నిర్వహించారు. బారాత్ లో డాన్స్ చేస్తూ గుండె నొప్పితో కుప్ప కూలిపోగా కుటుంబ సభ్యులు వెంటనే హాస్పిటల్ కు తరలించగా పరీక్షించిన వైద్యులు సంజయ్ అప్పటికే మృతి చెందినట్లు నిర్ధారించారు. సంజయ్ మృతితో కమ్మరిపేటలో విషాదఛాయలు అలుముకున్నాయి.