రోడ్డు ప్రమాదంలో గుర్తు తెలియని వ్యక్తి మృతి

దిశ, జహీరాబాద్: చిరాగ్ పల్లి పోలీస్ స్టేషన్ పరిధిలోని బూచినేల్లీ గ్రామా శివారులో రోడ్డు ప్రమాదంలో ఓ గుర్తు తెలియని వ్యక్తి మృతి చెందాడు. హైదరాబాద్ వైపు నుంచి ముంబయి వైపు జాతీయ రహదారి-65 పై నడుచుకుంటూ పోతున్న వ్యక్తిని గుర్తు తెలియని వాహనం ఢీకొనడంతో ఈ ప్రమాదం జరిగిందని చిరాకుపల్లి ఎస్ఐ రాజేందర్ రెడ్డి పేర్కొన్నారు. తలకు , ఇతర భాగాలకు బలమైన గాయాలవడంతో ఆయన అక్కడికక్కడే మృతి చెందాడు. మృతదేహాన్ని జహీరాబాద్ ఏరియా ఆసుపత్రి మార్చురీలో భద్రపరిచినట్లు ఎస్ఐ. రాజేందర్ రెడ్డి పేర్కొన్నారు. వయస్సు 30 నుంచి 35 సంవత్సరాల వరకు ఉంటుందని, వ్యక్తి నలుపు రంగు ప్యాంటు , గులాబీ రంగు గీతల షర్టు, ఎరుపు రంగు బనియన్ లు ధరించాడు. సమాచారం తెలిసిన వారు సెల్ నెంబర్ 8712656766 కు సంప్రదించాలని సూచించారు.