అల్లు అర్జున్ కేసులో కీలక పరిణామం.. తెలంగాణ డీజీపీకి NHRC నోటీసులు

దిశ, వెబ్ డెస్క్: నటుడు అల్లు అర్జున్ కేసు(Actor Allu Arjun)లో కీలక పరిణామం చోటు చేసుకుంది. ‘పుష్పా-2’ సినిమా(Pushpa-2 movie) విడుదల నేపథ్యంలో సంధ్యా థియేటర్ వద్ద ప్రేక్షకులపై లాఠీఛార్జి జరిగింది. అయితే ఈ లాఠీఛార్జి వల్లే తొక్కిసలాట జరిగిందని, రేవతి అనే మహిళ మృతి చెందారని, అలాగే మరో ఇద్దరు పిల్లలు తీవ్రంగా గాయపడ్డారని లాయర్ రామారావు ఎన్‌హెచ్‌ఆర్సీలో పిటిషన్ దాఖలు చేశారు. ఈ పిటిషన్‌ను తాజాగా NHRC స్వీకరించింది. దీంతో తెలంగాణ డీజీపీతోపాటు హైదరాబాద్ సీపీకి నోటీసులు జారీ చేసింది. సంథ్య థియేటర్ వద్ద జరిగిన లాఠీఛార్జి ఘటనపై వివరణ ఇవ్వాలని ఆదేశించింది. నాలుగు వారాల్లో నివేదిక సమర్పించాలని సూచించింది.

కాగా పుష్పా-2 విడుదల సందర్భంగా హైదరాబాద్ సంథ్య థియేటర్(Hyderabad Santhya Theatre) వద్ద తొక్కిసలాట జరిగింది. అయితే ఈ ఘటనలో రేవతి అనే మహిళ మృతి చెందగా, ఆమె కుమారుడు ఆస్పత్రిలో చికిత్స పొందుతున్నారు. ఈ ఘటనపై కేసు నమోదు చేసిన పోలీసులు నటుడు అల్లు అర్జున్‌ను అరెస్ట్ చేశారు. దీంతో ఈ వ్యవహారం రాష్ట్ర వ్యాప్తంగా పెను దుమారం రేపింది. అధికార, ప్రతిపక్షాల మధ్య మాటల యుద్ధానికి కూడా కారణమైంది. 

Read More : Allu Aravind: అల్లు అరవింద్ కు నలుగురు కొడుకులు ఉన్నారా.. నాలుగో కొడుకు ఎక్కడ?