పట్ట పగలే జవాన్ల పై కత్తులతో దాడి.. ఇద్దరికి తీవ్ర గాయాలు..

దిశ, భద్రాచలం : పట్ట పగలే జవాన్ల మీద మావోలు కత్తులతో దాడి చేసిన సంఘటన ఛత్తీస్ ఘడ్ సుకుమా జిల్లా జేగురు గొండ వారాంతపు సంతలో చోటు చేసుకుంది. డ్యూటీలో ఉన్న జవాన్ ల పై కత్తులతో దాడి చేసి వారి వద్దనున్న ఆయుధాలను మావోయిస్టులు అపహరించారు. ఈ సంఘటనలో కర్తం దేవ, సోడి కన్న అనే ఇద్దరు జవాన్లకు తీవ్ర గాయాలు కాగా హెలికాప్టర్ ద్వారా హాస్పిటల్ కు తరలించి చికిత్స అందిస్తున్నారు. పట్టపగలే ఇంతటి ఘాతుకానికి పాల్పడిన మావోయిస్టుల కోసం భద్రతా బలగాలు గాలిస్తున్నాయి.