రెండు బైకులు ఢీ కొని ఒకరు మృతి..

దిశ, కాగజ్ నగర్ : కొమురం భీం జిల్లా సిర్పూర్ టి మండలంలోని వేంపల్లి ప్రధాన రహదారి పై రెండు బైకులు ఢీకొని ఏఆర్ హెడ్ కానిస్టేబుల్ రాథోడ్ శంకర్ మృతి చెందగా మరో ఇద్దరు యువకులకు గాయాలైన ఘటన ఆదివారం చోటుచేసుకుంది. వివరాల్లోకి వెళితే సిర్పూర్ మండలం హుడికిలి చెక్ పోస్ట్ వద్ద విధులు ముగించుకొని కాగజ్ నగర్ వైపు వస్తున్నాడు.

ఈ క్రమంలోనే కాగజ్ నగర్ నుండి సిర్పూర్ వైపు వెళుతున్న మరో బైక్ ఎదురుగా వచ్చి ఢీకొని హెడ్ కానిస్టేబుల్ మృతిచెందగా పారిగాం గ్రామానికి చెందిన శ్రీకాంత్, సిర్పూర్ మండలానికి చెందిన నిఖిల్ అనే ఇద్దరు యువకులకు తీవ్ర గాయాలయ్యాయి. ఇద్దరు యువకులను కాగజ్ నగర్ ఆసుపత్రికి తరలించారు. కాగా సిర్పూర్ మండలానికి చెందిన నిఖిల్ పరిస్థితి విషమంగా ఉన్నట్లు తెలిపారు. సంఘటనా స్థలాన్ని సిర్పూర్ టీఎస్ఐ కమలాకర్ పరిశీలించినట్లు తెలిపారు.