ట్రాక్టర్ బోల్తా...ఇద్దరు మహిళా వ్యవసాయం కూలీలు దుర్మరణం

దిశ,వనపర్తి : వనపర్తి మండలం,సవాయిగూడెం గ్రామంలో ట్రాక్టర్ బోల్తా పడి ఇద్దరు కూలీలు దుర్మరణం చెందారు. గ్రామస్తుల తెలిపిన వివరాల మేరకు… శనివారం సవాయిగూడెం గ్రామంలో రైతు మేకల శ్రీనివాసలు పొలంలో వ్యవసాయం పనులకు అదే గ్రామానికి చెందిన దాదాపు 20 మంది వ్యవసాయ కూలీలు వెళ్లారు.పనులు పూర్తి చేసుకొని సాయంత్రం ట్రాక్టర్ పై గ్రామానికి వచ్చే మార్గంలో చెరువు ముందరి తండా రోడ్డు సమీపంలో ట్రాక్టర్ అదుపులో తప్పి బోల్తా పడడంతో,ట్రాక్టర్ లో ప్రయాణిస్తున్న ఇద్దరు వ్యవసాయ కూలీలు గోపాలమ్మ(58),సానే పద్మమ్మ(59) దుర్మరణం చెందారు.తీవ్రంగా గాయలైన ఆరుగురు వ్యవసాయ కూలీలను ప్రభుత్వం జిల్లా ఆసుపత్రుకి తరలించి చికిత్స అందిస్తున్నారు.