ట్రాక్టర్ కింద పడి డ్రైవర్ మృతి

దిశ,మేడ్చల్ టౌన్ : ట్రాక్టర్ కిందపడి వ్యక్తి మృతి చెందిన సంఘటన మేడ్చల్ పోలీస్ స్టేషన్ పరిధిలోని మునీరాబాద్ గ్రామంలో చోటు చేసుకుంది. పోలీసుల కథనం ప్రకారం మెదక్ జిల్లాకు చెందిన గావులపల్లి దేవేందర్(50) ట్రాక్టర్ డ్రైవర్​గా పని చేస్తున్నాడు. ఆదివారం ట్రాక్టర్పై మునీరాబాద్ గ్రామానికి చేరుకున్నారు. గ్రామ పరిధిలో సర్వీస్ రోడ్డు పక్కన తన ట్రాక్టర్​ను నిలిపాడు.

    తెలిసిన మరో డ్రైవర్ తన ట్రాక్టర్ ఫిల్టర్ శుభ్రం చేస్తుండగా దేవేందర్ అక్కడికి వెళ్లాడు. ఇంజిన్ ముందు,వెనుక చక్రాలకి మధ్యలో నిల్చొని ట్రాక్టర్ను స్టార్ట్ చేశాడు. ట్రాక్టర్​ గేర్ వేసి ఉండటంతో ఒక్కసారిగా వాహనం ముందుకు కదలడంతో కింద పడిపోయాడు. అతడిపై నుంచి చక్రాలు వెళ్లడంతో అక్కడికక్కడే మృతి చెందాడు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.