చైన్ స్నాచర్.. గుడికి వెళ్లి వస్తున్న మహిళ గొలుసు మాయం

దిశ,గద్వాల : జోగులాంబ గద్వాల జిల్లా కేంద్రంలోని పాత హౌసింగ్ బోర్డ్ కాలనీలో మహిళ మెడలోని గొలుసును కాపు కాసి దొంగిలించిన సంఘటన శనివారం ఉదయం చోటు చేసుకుంది. బాధిత మహిళ శోభ భర్త నాగరాజు తెలిపిన వివరాల ప్రకారం కార్తీక మాసం సందర్భంగా వేకువజామున సమీపంలోని అయ్యప్ప స్వామి ఆలయంలో పూజలు చేసి ఇంటి సమీపంలోకి రాగా కాపు కాసిన చైన్ స్నాచర్లు శోభ అనే మహిళ మెడలోని మూడున్నర తులాల బంగారు గొలుసును అపహరించారు. మహిళ అరుస్తున్న చైన్ స్నాచర్లు బండిపై స్పీడ్ గా వెళ్లారని తెలిపారు జరిగిన సంఘటనపై గద్వాల్ పట్టణ పోలీస్ స్టేషన్లో ఫిర్యాదు చేశారు.