Arrest : బెల్టుషాపులపై సౌత్​ జోన్​ టాస్క్​ఫోర్స్​ పోలీసుల మెరుపు దాడి

దిశ, చార్మినార్​ : బెల్టుషాపులలో అక్రమంగా మద్యం విక్రయిస్తున్న ఇద్దరిని సౌత్​ జోన్​ టాస్క్​ ఫోర్స్​ Task Forceపోలీసులు అదుపులోకి తీసుకున్నారు. వారి వద్ద నుంచి రూ.71,170 వేల విలువ గల 405 మద్యం బాటిళ్లను పోలీసులు స్వాధీనం చేసుకున్నారు. తదుపరి విచారణ నిమిత్తం సౌత్​ జోన్​ టాస్క్​ ఫోర్స్​ పోలీసులు వారిని ఛత్రినాక పోలీసులకు అప్పగించారు. సౌత్​ జోన్​ టాస్క్​ఫోర్స్​ ఇన్​స్పెక్టర్ ఎస్​.​ రాఘవేంద్ర తెలిపిన వివరాల ప్రకారం ... ఛత్రినాక కు చెందిన ప్రభాకర్ రెడ్డి (58), ఉప్పుగూడ కు చెందిన జె. చంద్ర మోహన్ (50)లు ఎటువంటి లైసెన్స్​ లేకుండా వివిధ వైన్స్​ షాపులలో మద్యం కొనుగోలు చేసి, తమ ఇళ్లలో అక్రమంగా మద్యం నిలువ ఉంచుకుని అధిక ధరలకు విక్రయిస్తున్నారు.

విశ్వసనీయ సమాచారం మేరకు టాస్క్​ ఫోర్స్​ అదనపు డీపీసీ అందె శ్రీనివాస్​ పర్యవేక్షణలో సౌత్​ జోన్​ టాస్క్​ ఫోర్స్​ Task Forceఇన్​స్పెక్టర్​ ఎస్​.రాఘవేంద్ర , ఎస్​ ఐలు కె.నరసింహులు ఎన్​. నవీన్​. జి.ఆంజనేయులు బృందం ప్రభాకర్​ రెడ్డి, చంద్రమోహన్​ ఇళ్ళలో వేరు వేరుగా దాడులు నిర్వహించింది. అక్రమంగా మద్యం బాటిళ్లను విక్రయిస్తున్న ప్రభాకర్​ రెడ్డి, చంద్రమోహన్​లను రెడ్​ హ్యాండెడ్​గా పట్టుకున్నారు. వారి వద్ద నుంచి రూ.71,170 వేల విలువ గల 405 మద్యం బాటిళ్లలో 82.46 లీటర్ల మద్యం ను పోలీసులు స్వాధీనం చేసుకున్నారు. తదుపరి విచారణ నిమిత్తం వారిద్దరిని ఛత్రినాక పోలీసులకు అప్పగించారు. ఈ కేసును ఛత్రినాక పోలీసులు దర్యాప్తు చేస్తున్నారు.