గడ్డి యంత్రంలో పడి తీవ్ర గాయాలు

దిశ, రామడుగు : రాముడు మండలం గుండి గ్రామానికి చెందిన డేగ మల్లేశం అనే వ్యక్తి చేయి ప్రమాదవశాత్తు తెగిపడింది. స్థానికులు అందించిన వివరాల మేరకు మల్లేశం తన గడ్డి కట్టలు చుట్టే యంత్రంతో దేశాయిపేట గ్రామంలో ఓ రైతు పొలంలో పని చేస్తున్నాడు. గడ్డి కట్టల దారం చుట్టే తరుణంలో ప్రమాదవశాత్తు చేయి యంత్రంలోకి వెళ్లి తెగిపడిపోయింది. వెంటనే బాధితుడిని కరీంనగర్ లోని మహావీర ఆసుపత్రికి చికిత్స నిమిత్తం తరలించారు.