విదేశీ మహిళలతో వ్యభిచారం.. గుట్టు రట్టు చేసిన పోలీసులు..

దిశ, సిటీ క్రైమ్ : బంగ్లాదేశ్, వెస్ట్ బెంగాల్, ఇంకా ఇతర రాష్ట్రాల నుంచి అమాయక యువతులను తీసుకొచ్చి హైదరాబాద్ నగరంలో వ్యభిచారం దందా నిర్వహిస్తున్న ముఠాను హైదరాబాద్ యాంటీ హ్యూమన్ ట్రాఫికింగ్ యూనిట్, మహిళ పోలీసులు శనివారం అరెస్ట్ చేశారు. పోలీసులకు సమాచారం అందడంతో హైదరాబాద్ లకిడికపూల్ అక్షయ లాడ్జిలో సోదాలు జరిపారు. లాడ్జిలోని రూమ్ నెంబర్ 104, 204 లో వ్యభిచారం నడిపిస్తున్నారని నిర్ధారించుకుని నిర్వాహకులు సలీమ్ మండల్ అతని భార్య మరియాతో పాటు విటుడు నరసింహ బాబు లను అరెస్ట్ చేశారు. అస్సోం, వెస్ట్ బెంగాల్ కు చెందిన యువతులను పోలీసులు కాపాడారు. ప్రధాన నిర్వాహకుడు పరారీలో ఉన్నట్లు పోలీసులు తెలిపారు.