బావను హత్య చేసిన బావమరిది..

దిశ, శంషాబాద్ : ఇచ్చిన అప్పు తిరిగి ఇవ్వమన్నందుకు ఏకంగా బావనే హత్య చేశాడు బామ్మర్ది. ఈ ఘటన మైలార్ దేవుపల్లి పోలీస్ స్టేషన్ పరిధిలోని వట్టెపల్లిలో చోటుచేసుకుంది. పోలీసులు తెలిపిన వివరాల ప్రకారం మైలార్దేవపల్లి పోలీస్ స్టేషన్ పరిధిలోని వట్టపల్లిలో నివాసం ఉండే సైఫ్ (42) టీవీ మెకానిక్ పని చేస్తూ ఉంటాడు. ఇతని బావమరిది గౌస్ నగర్ లో ఉండే ఇస్మాయిల్ ఆటో డ్రైవర్ కు గత కొన్ని రోజుల క్రితం 2 లక్షలు అప్పుగా ఇచ్చాడు.

ఇచ్చిన అప్పు నెల నెల కడుతూనే ఉన్నా గత కొంత కాలంగా అప్పు కట్టలేదు. అయితే ఇచ్చిన అప్పు తిరిగి ఇవ్వమన్నందుకు ఇస్మాయిల్ అతని బావ సైప్ పై సోమవారం తెల్లవారుజామున తల పై బండరాళ్లు వేసి అతి దారుణంగా హత్య చేశాడు. ఘటనా స్థలానికి చేరుకుని మృతదేహాన్ని ఉస్మానియా ఆసుపత్రికి తరలించి కేసు నమోదు చేశామన్నారు పోలీసులు. అలాగే హత్య చేసిన నిందితుడు ఇస్మాయిల్ ను అదుపులోకి తీసుకొని దర్యాప్తు చేస్తున్నట్లు పోలీసులు తెలిపారు.