నీటి గుంతలో పడి బాలుడు మృతి

దిశ, మేడిపల్లి : నీటి గుంతలో పడి బాలుడు మృతి చెందిన ఘటన జగిత్యాల జిల్లా భీమారం మండలంలోని మోత్కరావుపేట గ్రామంలో చోటు చేసుకుంది. గ్రామానికి చెందిన బైకం రాకేష్ మూడు సంవత్సరాల వయస్సు గల చిన్న కుమారుడు ప్రమాదవశాత్తు బయట ఆడుకుంటూ నీటి గుంతలో పడ్డాడు. ఎవరూ గమనించకపోవడంతో అందులో ఉన్న నీటిలో మునిగి మృతి చెందాడు. దీంతో కుటుంబ సభ్యుల రోధనలు మిన్నంటాయి.