AP News:పట్ట పగలు ఇండియన్ బ్యాంక్ ఏటీఎం ధ్వంసం

దిశ, చంద్రగిరి: చంద్రగిరి పట్టణంలోని తిరుపతి చంద్రగిరి రహదారిలో ఉన్న ఇండియన్ బ్యాంక్ ఏటీఎం ను ఓ గుర్తు తెలియని వ్యక్తి బండరాయితో పగలగొట్టేందుకు ప్రయత్నించిన ఘటన ఆదివారం చోటు చేసుకుంది. స్థానికులు కేకలు పెట్టడంతో అక్కడి నుంచి పారిపోయాడు. పోలీసులు కేసు నమోదు చేసుకుని దర్యాప్తు చేపట్టారు. తిరుపతి జిల్లా చంద్రగిరి పట్టణంలోని ఇండియన్ బ్యాంక్ సమీపంలో ఉన్న ఇండియన్ బ్యాంక్ ఎటిఎం మిషన్ ను ఓ గుర్తు తెలియని వ్యక్తి ఆదివారం ఉదయం బండరాయి తీసుకుని వచ్చి ఏటీఎం మిషన్ ను పగలగొట్టేందుకు ప్రయత్నించారు.

అదే సమయంలో స్థానికులు అక్కడికి రావడంతో సైకిల్ లో వెళ్లిపోయారు. విషయం తెలుసుకున్న స్థానికులు ఇండియన్ బ్యాంక్ అధికారులకు, పోలీసులకు సమాచారం అందించారు. ఇండియన్ బ్యాంక్ అధికారులు ఏటీఎం వద్దకు చేరుకుని పరిశీలించారు . విషయం తెలుసుకున్న పోలీసులు సంఘటన స్థలానికి చేరుకొని పరిస్థితిని స్థానికులను అడిగి తెలుసుకున్నారు. ఇండియన్ బ్యాంక్ అధికారులు ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. దుండగుడు పట్ట పగలు దొంగతనానికి ప్రయత్నించాడా లేదా మరో కోణం ఏదైనా దాగి ఉందా అని తేలాల్సి ఉంది.