Accident : విదేశాల నుంచి స్వదేశానికి వచ్చి.. రోడ్డు ప్రమాదంలో మృతి

దిశ,వెల్దుర్తి : రోడ్డు ప్రమాదంలో మండల పరిధిలోని ఆరెగూడెం గ్రామానికి చెందిన ఓ విద్యార్థి మృతి చెందాడు. ఈ సంఘటన శనివారం తెల్లవారుజామున జరిగింది.ఆరెగూడెం గ్రామానికి చెందిన బీఆర్ఎస్ నాయకుడు ,మాజీ సింగిల్ విండో డైరెక్టర్ మైపాల్ రెడ్డి ఇందిర దంపతులకు ఇద్దరు కుమారులు, కుమార్తె ఉండగ కుమార్తె వివాహం చేశారు.మైపాల్ రెడ్డి ఇద్దరు కుమారులు విదేశాల్లో చదువుతున్నారు.చిన్న కుమారుడు వేన్నవరం సాయి కిషోర్ రెడ్డి 24 లండన్ లో ఎంబీఏ పూర్తిచేసుకొని ఇటీవలే ఇంటికి వచ్చినట్లు గ్రామస్తులు తెలిపారు.

శనివారం తెల్లవారుజామున 3:30 గంటల ప్రాంతంలో తన స్నేహితుడితో కలసి పని నిమిత్తం సుచిత్ర సర్కిల్ కు తన ద్విచక్రవాహనం వెళ్తున్న క్రమంలో మార్గ మధ్యలో రోడ్డు మధ్యలో ఉన్న పైపు కి తగిలి వాహనం అదుపు తప్పి పడిపోవడంతో తలకు తీవ్ర గాయాలై అక్కడికక్కడే మృతి చెందారు. విదేశాల్లో ఉన్నత చదువులు పూర్తిచేసుకోని ఉద్యోగం చేస్తూ తమను పోషించే కొడుకు రోడ్డు ప్రమాద రూపంలో విగతజీవి కావడంతో మహిపాల్ రెడ్డి దంపతుల రోధనలు మిన్నంటాయి.