శంషాబాద్ విమానాశ్రయంలో బంగారం పట్టివేత..

దిశ శంషాబాద్: గుట్టు చప్పుడు విదేశాల నుంచి అక్రమంగా బంగారాన్ని తరలిస్తూ కస్టమ్స్ అధికారులకు ఓ వ్యక్తి పట్టుబడిన ఘటన శంషాబాద్ విమానాశ్రయంలో జరిగింది. కస్టమ్స్ అధికారులు తెలిపిన వివరాల ప్రకారం.. శనివారం దుబాయ్ నుంచి ఇండిగో విమానంలో హైదరాబాద్ వచ్చేందుకు శంషాబాద్ విమానాశ్రయంలోకి వచ్చిన ప్రయాణికులను తనిఖీలు నిర్వహిస్తుండగా ప్రయాణికుడిపై అనుమానం వచ్చి అతనితో పాటు లగేజీ బ్యాగును స్కానింగ్ చేయడంతో బ్యాగులో బంగారం ఉన్నట్లు కస్టమ్స్ అధికారులు గుర్తించారు.

ప్రయాణికుడు బంగారంను పేపర్లో చుట్టి బంగారం బిస్కట్లను పర్సులో అమర్చి అక్రమంగా తరలిస్తుండగా ప్రయాణికుడిని అదుపులోకి తీసుకొని అతని వద్ద నుంచి రూ.18 లక్షల 46 వేల 772 రూపాయల విలువ జేసే 349.9 గ్రాముల బంగారం స్వాధీనం చేసుకొని ప్రయాణికుడిని అరెస్ట్ చేసి కేసు నమోదు చేసి దర్యాప్తు చేస్తున్నారు.